Актор некалькі гадоў змагаўся з ракам кішэчніка.
Памёр 48‑гадовы акцёр Джэймс Ван Дэр Бік — зорка серыяла «Бухта Доўсана», піша Бі-бі-сі.
«Наш любімы Джэймс Дэвід Ван Дэр Бік мірна памёр раніцай, — гаворыцца ў паведамленні ў яго сацсетках. — Ён сустрэў свае апошнія дні з мужнасцю, верай і годнасцю».
Акцёр некалькі гадоў змагаўся з ракам кішэчніка, які яму дыягнаставалі ў 2023 годзе.
Ван Дэр Бік быў бацькам шасцярых дзяцей і здымаўся ў некалькіх папулярных серыялах і фільмах канца 1990‑х і пачатку 2000‑х гадоў, у тым ліку ў «Бухце Доўсана» і «Студэнцкай камандзе».
У інтэрв'ю Business Insider ён распавёў, што ў яго пачаліся змены ў працы кішэчніка, што з'яўляецца распаўсюджаным сімптомам раку тоўстай кішкі. Перад тым, як прайсці абследаванне, ён перастаў піць каву, каб паглядзець, ці дапаможа гэта, але тэст паказаў, што рак знаходзіцца ўжо на трэцяй стадыі.
Пасля пастаноўкі дыягназу Ван Дэр Бік актыўна прыцягваў увагу да павышэння інфармаванасці аб важнасці абследаванняў кішэчніка.
«Я шмат чаму навучыўся, — распавёў ён Business Insider. — І калі дзякуючы мне хоць хтосьці зможа пазбегнуць падобнага вопыту, для мяне гэта будзе сапраўдным цудам».
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА57
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны55
Каментары