Aktor niekalki hadoŭ zmahaŭsia z rakam kišečnika.
Pamior 48‑hadovy akcior Džejms Van Der Bik — zorka sieryjała «Buchta Doŭsana», piša Bi-bi-si.
«Naš lubimy Džejms Devid Van Der Bik mirna pamior ranicaj, — havorycca ŭ paviedamleńni ŭ jaho sacsietkach. — Jon sustreŭ svaje apošnija dni z mužnaściu, vieraj i hodnaściu».
Akcior niekalki hadoŭ zmahaŭsia z rakam kišečnika, jaki jamu dyjahnastavali ŭ 2023 hodzie.
Van Der Bik byŭ baćkam šaściarych dziaciej i zdymaŭsia ŭ niekalkich papularnych sieryjałach i filmach kanca 1990‑ch i pačatku 2000‑ch hadoŭ, u tym liku ŭ «Buchcie Doŭsana» i «Studenckaj kamandzie».
U intervju Business Insider jon raspavioŭ, što ŭ jaho pačalisia źmieny ŭ pracy kišečnika, što źjaŭlajecca raspaŭsiudžanym simptomam raku toŭstaj kiški. Pierad tym, jak prajści abśledavańnie, jon pierastaŭ pić kavu, kab pahladzieć, ci dapamoža heta, ale test pakazaŭ, što rak znachodzicca ŭžo na treciaj stadyi.
Paśla pastanoŭki dyjahnazu Van Der Bik aktyŭna pryciahvaŭ uvahu da pavyšeńnia infarmavanaści ab važnaści abśledavańniaŭ kišečnika.
«Ja šmat čamu navučyŭsia, — raspavioŭ jon Business Insider. — I kali dziakujučy mnie choć chtości zmoža paźbiehnuć padobnaha vopytu, dla mianie heta budzie sapraŭdnym cudam».
Kamientary