У цэнтры Мінска абмяжуюць рух транспарту ў навагоднюю ноч і 1 студзеня
ДАІ Мінска дзеля бяспекі падчас навагодніх мерапрыемстваў і папярэджання грубых парушэнняў Правілаў дарожнага руху ў перыяд працяглых выходных пяройдзе на ўзмоцнены рэжым нясення службы.
Акрамя таго, паблізу месцаў масавых гулянняў будуць уводзіцца абмежаванні руху транспарту.
У навагоднюю ноч і ў вячэрні час 1 студзеня магчыма ўвядзенне поўнага абмежавання руху транспарту па праспекце Пераможцаў на ўчастку ад вуліцы Мельнікайце да скрыжавання плошчы Свабоды з вуліцай Інтэрнацыянальнай.
Акрамя таго, паблізу Палаца спорту, Кастрычніцкай плошчы, а таксама на тэрыторыі Верхняга горада будуць уведзены абмежаванні на прыпынак і стаянку транспартных сродкаў. У сувязі з гэтым будзе зменена схема руху грамадскага транспарту. У прыватнасці, у названы перыяд не будзе ажыццяўляцца прыпынак «Палац спорту».
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй46
Каментары