243 беларускія рэстараны і кавярні спецыялізуюцца на нацыянальнай кухні
У Беларусі налічылі 243 спецыялізаваныя аб'екты грамадскага харчавання, якія прапануюць стравы, што адлюстроўваюць аўтэнтычнасць рэгіянальнай кухні. Пра гэта паведаміла кансультантка аддзела метадалогіі Упраўлення арганізацыі гандлю і грамадскага харчавання Міністэрства антыманапольнага рэгулявання і гандлю (МАРГ) Ірына Лішай.
«Гэта традыцыйныя стравы з бульбы — дранікі, бабкі і клёцкі. Таксама ў меню ўваходзяць беларускія супы: халаднікі, грыбныя і сытныя супы, мясныя стравы, такія як мачанка і верашчака, а таксама хатнія каўбаскі. Традыцыйныя блінцы і аладкі з рознымі начынкамі таксама займаюць важнае месца ў меню. Асартымент страў можа вар'іравацца ў залежнасці ад рэгіёна і святаў», — удакладніла прадстаўніца МАРГ.
Ірына Лішай дадала, што ў краіне актыўна развіваюцца айчынныя сеткі грамадскага харчавання пад уласнымі брэндамі. Гэта тычыцца не толькі кавярняў і рэстаранаў у гарадах, але і аб'ектаў на аўтазаправачных станцыях. Таксама ствараюцца гастранамічныя пляцоўкі і стрыт-фуды з забаўляльнымі канцэпцыямі.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам54
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі4747
Каментары