На Шры-Ланцы цяпер адбываецца адна з самых моцных паводак за апошнія 30 гадоў. Загінулі больш за 120 чалавек, многія лічацца зніклымі без вестак.
У краіне размытыя дарогі, разбураныя дамы, ратавальнікі працуюць круглыя суткі.
Улады Шры-Ланкі ўжо абвясцілі экстранныя меры, а мясцовыя жыхары эвакуіруюцца з затопленых раёнаў. Маштабы бедства працягваюць расці.
Тое ж самае адбываецца і ў іншых краінах Паўднёва-Усходняй Азіі. Так, у Інданезіі на востраве Суматра колькасць ахвяр дасягнула 303 чалавек, больш за тысячу зніклі без вестак.
Больш за ўсё разбурэнняў — у правінцыях Паўночная і Заходняя Суматра, Ачэх і ў горадзе Сіболга. Вада месцамі падымалася за лічаныя хвіліны, многія раёны засталіся без электрычнасці. Прычынай бедства сталі моцныя ліўні з-за сезоннага мусону і трапічнага шторму.
У Тайландзе колькасць ахвяраў паводкі — як мінімум 162 чалавекі, найбольш загінулых у горадзе Хат'яй.
У В'етнаме загінулі як мінімум 98 чалавек, а эканамічныя страты ацэньваюцца не менш чым у паўмільярда даляраў. Мясцовыя ўлады паведамляюць, што дзясяткі сем'яў пазбавіліся жылля і сродкаў да існавання.
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары