Упершыню ў гісторыі беларусы могуць вярнуцца з Зімовай Алімпіяды ні з чым
У дысцыплінах, што традыцыйна прыносілі нам медалі, Беларусь не дапушчана да спаборніцтваў.
У аўторак Міжнародная федэрацыя лыжнага спорту і снаўборду (FIS) не дапусціла беларускіх і расійскіх спартсменаў да кваліфікацыйных алімпійскіх спаборніцтваў. Пад эгідай FIS праводзяцца спаборніцтвы па лыжных гонках, горных лыжах, фрыстайле і снаўбордзе.
Крыху раней стала вядома, што беларускіх біятланістаў не дапусцяць за Зімовай Алімпіяды нават у нейтральным статусе.
Беларускі біятлон застаецца ў поўнай ізаляцыі, як і ад пачатку вайны ва Украіне, калі міжнародныя федэрацыі масава забаранілі ўдзел у спаборніцтвах атлетаў з Беларусі і Расіі.
Між тым, менавіта біятлон і фрыстайл — дысцыпліны, якія стабільна прыносілі краіне медалі на Зімовых Алімпійскіх гульнях.
Біятланісты заваявалі 11 медалёў, у тым ліку чатыры залатыя, фрыстайлісты — восем (чатыры залатыя).
На апошняй Алімпіядзе ў Пекіне ў 2022 года беларусы заваявалі два срэбры: у фрыстайле (Ганна Гуськова) і Антон Смольскі (біятлон).
На Алімпіядзе ў Сочы ў 2014 у беларусаў было пяць залатых медалёў (тры ў біятланісткі Дар'і Домрачавай, па адным у фрыстайлістаў Антона Кушніра і Алы Цупер).
Пакуль на Алімпіяду-2026 ёсць толькі адна ліцэнзія: у фігурысткі Вікторыя Сафонавай, магчымыя ліцэнзіі ў канькабежным спорце і скелетоне. Але медаль у канькабежным спорце была на Зімовых алімпіядах толькі ў далёкім 1994 годзе — срэбра Ігара Жалязоўскага.
З усіх Зімовых гульнях беларусы прывозілі ўзнагароды (больш за ўсё з Сочы-2014 — 6, менш за ўсё з Солт-Лэйк-Сіці-2002 — адзін медаль).
Зімовыя Алімпійскія гульні 2026 года пройдуць з 10 па 26 лютага ў італьянскім Мілане і Карціна д'Ампеца.
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе36
Каментары