Upieršyniu ŭ historyi biełarusy mohuć viarnucca ź Zimovaj Alimpijady ni z čym
U dyscyplinach, što tradycyjna prynosili nam miedali, Biełaruś nie dapuščana da spabornictvaŭ.
U aŭtorak Mižnarodnaja fiederacyja łyžnaha sportu i snaŭbordu (FIS) nie dapuściła biełaruskich i rasijskich spartsmienaŭ da kvalifikacyjnych alimpijskich spabornictvaŭ. Pad ehidaj FIS pravodziacca spabornictvy pa łyžnych honkach, hornych łyžach, frystajle i snaŭbordzie.
Krychu raniej stała viadoma, što biełaruskich bijatłanistaŭ nie dapuściać za Zimovaj Alimpijady navat u niejtralnym statusie.
Biełaruski bijatłon zastajecca ŭ poŭnaj izalacyi, jak i ad pačatku vajny va Ukrainie, kali mižnarodnyja fiederacyi masava zabaranili ŭdzieł u spabornictvach atletaŭ ź Biełarusi i Rasii.
Miž tym, mienavita bijatłon i frystajł — dyscypliny, jakija stabilna prynosili krainie miedali na Zimovych Alimpijskich hulniach.
Bijatłanisty zavajavali 11 miedaloŭ, u tym liku čatyry załatyja, frystajlisty — vosiem (čatyry załatyja).
Na apošniaj Alimpijadzie ŭ Piekinie ŭ 2022 hoda biełarusy zavajavali dva srebry: u frystajle (Hanna Huśkova) i Anton Smolski (bijatłon).
Na Alimpijadzie ŭ Sočy ŭ 2014 u biełarusaŭ było piać załatych miedaloŭ (try ŭ bijatłanistki Darji Domračavaj, pa adnym u frystajlistaŭ Antona Kušnira i Ały Cupier).
Pakul na Alimpijadu-2026 jość tolki adna licenzija: u fihurystki Viktoryja Safonavaj, mahčymyja licenzii ŭ kańkabiežnym sporcie i skieletonie. Ale miedal u kańkabiežnym sporcie była na Zimovych alimpijadach tolki ŭ dalokim 1994 hodzie — srebra Ihara Žalazoŭskaha.
Z usich Zimovych hulniach biełarusy pryvozili ŭznaharody (bolš za ŭsio z Sočy-2014 — 6, mienš za ŭsio z Sołt-Łejk-Sici-2002 — adzin miedal).
Zimovyja Alimpijskija hulni 2026 hoda projduć z 10 pa 26 lutaha ŭ italjanskim Miłanie i Karcina d'Ampieca.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1212
Kamientary