Аўкцыённы дом Christie's завяршыў Лонданскі вячэрні аўкцыён творамі сучаснага мастацтва і імпрэсіяністаў. Падчас яго прадалі некалькі карцін Марка Шагала. Пры гэтым адна з іх сышла з малатка за суму амаль удвая больш кансерватыўнай ацэнкі, піша Office Life.
Самай дарагой прададзенай работай віцебскага мастака стала карціна «Дрэва ў садзе». Шагал напісаў яе ў 1957 годзе, калі жыў на поўдні Францыі разам са сваёй жонкай Валянцінай Бродскай.
Лірычнае палатно з характэрнымі для творчасці мастака матывамі ацэньвалі ў $1,6 — 2,4 мільёна, а прадалі за $3 мільёны.
Другая карціна Марка Шагала знайшла новага ўладальніка за $2,03 мільёна пры ацэнцы ў $1,6—2,4 мільёна.
Мастак напісаў «Зімовае неба» паміж 1942 і 1949 гадамі. Карціна адлюстроўвае ўнутраныя перажыванні Шагала з нагоды пераезду ў ЗША з-за Другой сусветнай вайны, смерці першай жонкі Бэлы і з'яўлення ў яго жыцці новай жанчыны, якая нарадзіла яму сына.
Трэцяя работа мастака была прададзеная крыху даражэй за аптымістычную ацэнку.
Шагал напісаў «Заручаных з чырвоным анёлам» у 1937—1938 гадах. На карціне ён намаляваў сябе і сваю першую жонку Бэлу на фоне віцебскіх дахаў.
Першапачаткова гэтую карціну ацэньвалі ў $1,2—1,6 мільёна, а прадалі за $1,7 мільёна.
З аўкцыёну прадаюць калекцыю карцін Віктара Бабарыкі. У тым ліку творы Любіча і Зака
Фанаты Тэйлар Свіфт гадаюць, што значыць кніга пра Шагала, Малевіча і Лісіцкага, заўважаная ў анонсе да яе новага альбома
Спявачка Каця IOWA апранулася па матывах карціны Шагала «Прагулка» ФОТА
На аўкцыёне прадалі карціну Шагала амаль за 3,5 мільёна даляраў
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў101
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары