Каця IOWA трымала за руку сваю копію, якая быццам лунае ў небе. Важыў касцюм ажно 50 кілаграмаў.
Незвычайны вобраз беларуская спявачка Каця IOWA (яна ж Кацярына Іванчыкава) паказала на расійскім VK Fest, які прайшоў на гэтых выходных у Маскве.
Для яго стварэння група мастакоў пераасэнсавала карціну Марка Шагала «Прагулка». Артыстка, апранутая ў сукенку ў гарох, трымала на паднятай руцэ сваю копію, якая быццам лунала ў небе.
Вось як растлумачыла такую небанальную інтэрпрэтацыю працы Шагала Каця IOWA у інстаграме:
«Памятаеце, у Шагала — «Прагулка», дзе Марк лёгка падкідвае каханую жанчыну, даючы ёй апору? Я толькі адлюстроўваю тэндэнцыі нашага часу. Мы стварылі сваю прагулку — 2025: любіць сябе, выгульваць сябе, я ў сябе ёсць, я ў сябе піць, я ў сябе жыць. Вольная, незалежная — і задзяўбаная».
Важыць даволі масіўная канструкцыя каля 50 кілаграмаў. Над ёй працавалі каля трох месяцаў дызайнер Ілля Мігмун, мастачка-скульптарка Лена Фаб і пластычная грымёрка-бутафорка Дар'я Рачкова.
Трэба адзначыць, што касцюмы беларускай артысткі заўсёды адрозніваюцца эпатажнасцю. Сёлета Каця IOWA ужо паспела трапіць у скандал, калі выступала на Дні абароны дзяцей у расійскім Вялікім Ноўгарадзе.
Тады генеральнаму дырэктару праваслаўнага тэлеканала «Спас» і прапагандысту Барысу Карчэўнікаву падалося, што сукенка спявачкі з Чавусаў нагадвае мужчынскі палавы орган.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары
І пры гэтым Расея ў 2025, Масква, VK...