Грамадства55

З аўкцыёну прадаюць калекцыю карцін Віктара Бабарыкі. У тым ліку творы Любіча і Зака

З малатка прадаюць 19 твораў мастацтва з калекцыі Віктара Бабарыкі на 344 тысячы рублёў. Аб'явы апублікаваны на сайце «БелЮрЗабеспячэння», заўважыла «Люстэрка».

Арыштаваныя карціны з калекцыі Віктара Бабарыкі, выстаўленыя на аўкцыён. Калаж з фота з сайта e-auction.by

Самыя танныя лоты — гэта пяць гравюр з выдання Old and New London — «Narrative of its History», «Is People and its Places» («Стары і Новы Лондан: апавяданне аб яго гісторыі, людзях і месцах») канца XIX стагоддзя. Пачатковы кошт продажу кожнай з іх 165 рублёў.

Самы дарагі лот — твор «Арлекін» беларуска-французска-польскага мастака Яўгена Зака. Яго выставілі па стартавым кошце 99 312 рублі.

«Арлекін» Яўгена Зака ​​з калекцыі Віктара Бабарыкі, выстаўленай на аўкцыён. Фота: e-auction.by

Іншы твор гэтага ж аўтара «Букет кветак» прадаюць з малатка па цане ад 66 208 рублёў.

«Пейзаж» Міхаіла Кікоіна выстаўлены за 56 277 рублёў. Яго ж «Яблыні» - за 49 656.

Ёсць сярод арыштаваных карцін і праца мастака Парыжскай школы з Беларусі — Восіпа Любіча. Яго карціну «Тэатральная ложа», напісаную прыкладна ў 1925 годзе, з калекцыі Віктара Бабарыкі выставілі па кошце ад 19 862 рублі.

«Тэатральная ложа» Восіпа Любіча з арыштаванай калекцыі Віктара Бабарыкі. Фота: e-auction.by

Агульны пачатковы кошт усіх твораў мастацтва — каля 344 тысяч рублёў. Аднак калі знойдуцца жадаючыя іх набыць на аўкцыёне 8 кастрычніка, кошт продажу будзе вышэйшым.

Хутчэй за ўсё, гэтыя карціны з прыватнай калекцыі Бабарыкі. Нагадаем, дзякуючы экс-банкіру свая мастацкая калекцыя з'явілася ў Белгазпрамбанка. Натхніўшыся прыкладам замежных банкаў, ён у пачатку 2010-х пачаў збіраць работы мастакоў, звязаных з Беларуссю. Мэтай было вярнуць у краіну імёны, якіх няма ў музейных зборах, — ад Суціна і Шагала да менш вядомых аўтараў накшталт Бакста. Калекцыя вырасла з ідэі «вярнуць страчанае мастацтва» і стала буйным культурным праектам.

Раней праз аўкцыёны прадалі іншую маёмасць Віктара Бабарыкі, у тым ліку аўтамабіль і гадзіннік.

Зямельны ўчастак экс-банкіра — самы дарагі актыў, адабраны ў палітвязняў і выстаўлены на продаж. Калі браць апанентаў Лукашэнку ў цэлым, то даражэй прадалі толькі кватэру Валерыя Цапкалы — амаль за 400 тысяч рублёў.

Каментары5

  • Кнопка
    02.09.2025
    скупка краденного? вроде ж есть статья за это
  • Барадзед
    02.09.2025
    Я бы тоже прикупил.
  • лукашенко пособник сбыта краденного!
    02.09.2025
    До чего довела вседозволенность правления лукашенки. Уже дошло до того, что продают имущество, которое украли пособники лукашенки. И выставляют это на показ. Старый и хромой дед скоро помрёт и не извесно каким боком это скажется всем участникам грабежа.

Цяпер чытаюць

У зняволенні памёр асуджаны па палітычных артыкулах даносчык і ўдзельнік акцый за Лукашэнку13

У зняволенні памёр асуджаны па палітычных артыкулах даносчык і ўдзельнік акцый за Лукашэнку

Усе навіны →
Усе навіны

На Камароўскім рынку адкрылася новае месца з фастфудам: прапануюць бульбу па-бельгійску

Былы дыпламат і былы дэпутат Савіных пайшоў у бізнэс7

Дзед вядомага шпіёна Яна Марсалека таксама быў шпіёнам 

Два чалавекі загінулі ў ДТЗ у Крычаўскім раёне1

Мінск увайшоў у топ самых папулярных гарадоў для паездак расіян на лістападаўскія выхадныя3

Кім Кардаш’ян выпусціла лінію стрынгаў, якія імітуюць валасы на лабку, — першую партыю ўжо размялі15

У Мінску і вобласці заўважылі нашэсце баброў4

Што народ думае пра Лугіну і «Камволь»10

Як выглядае галерэя Апалона, якую абрабавалі ў Луўры ВІДЭА2

больш чытаных навін
больш лайканых навін

У зняволенні памёр асуджаны па палітычных артыкулах даносчык і ўдзельнік акцый за Лукашэнку13

У зняволенні памёр асуджаны па палітычных артыкулах даносчык і ўдзельнік акцый за Лукашэнку

Галоўнае
Усе навіны →

Заўвага:

 

 

 

 

Закрыць Паведаміць