Гэта ягоны 67‑ы хет-трык у кар'еру. Вялікаму партугальцу застаецца 15 галоў да адзнакі 1000 мячоў.
Форвард «Аль-Насра» ўчора забіў тры галы ў вароты «Аль-Хулуда» ў матчы 12‑га тура чэмпіянату Саудаўскай Аравіі (5:2, другі тайм).
Гэта 67‑ы хет-трек у яго кар'еры: 57 на клубным узроўні, 10 у складзе зборнай Партугаліі і першы хет-трык Раналду з мая 2024 года.
Зараз на рахунку Крышціяну Раналду 985 галоў у кар'еры. Да планкі 1000 мячоў застаецца ўсяго 15 галоў, і партугалец стане недасягальны на доўгі час або назаўсёды.
У Ліянеля Месі, які працягвае гуляць, зараз 934 мячы, у Пеле было 762.
Што да гульцоў, якія пакуль выступаюць, то ў паляка Роберта Левандоўскага 707 галоў, але ён вось-вось скончыць кар'еру. У Луіса Суарэса — 616, але ўругваец таксама хутка скончыць кар'еру, у Карыма Бенземы — 524.
Што да тых, хто не збіраецца вешаць буцы на цвік і знаходзіцца ў росквіце сіл: Хары Кейн мае 527 галоў. Кіліян Мбапэ — 428 галоў, Эрлінг Холанд мае 335.
Так што адна з галоўных інтрыг гэтага футбольнага сезона — як хутка Крышціяну Раналду заб'е тысячны гол у кар'еры і ўстановіць вечны рэкорд.
-
Гулец моладзевай зборнай Беларусі па хакеі прадэманстраваў свае лінгвістычныя здольнасці. Ён ведае пяць моў ВІДЭА
-
Улады Германіі заявілі пра «фактычную немагчымасць» правядзення ў сябе чэмпіянату свету па хакеі, калі ў ім будзе ўдзельнічаць Расія
-
На сайце футбольнага клуба «Катавіцы» памянялі сцяг: чырвона-зялёны на нацыянальны беларускі
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары