У брэсцкай міліцыі сцвярджаюць, што чытаць «Нашу Ніву» — ніякае не парушэнне
На сайце Упраўлення ўнутраных спраў Брэсцкага аблвыканкама 25 жніўня з'явіўся артыкул пад назвай «Як не стаць экстрэмістам». У ім сілавікі адкрытым тэкстам і адназначна пацвярджаюць, што проста за чытанне інфармацыйных рэсурсаў, прызнаных у Беларусі «экстрэмісцкімі», дзейнымі законамі ніякай адказнасці не прадугледжана.
«Таму калі вы вырашылі з-за пустой цікавасці і дапытлівасці проста пачытаць забароненыя каналы, прызнаныя экстрэмісцкімі матэрыяламі, крымінальная альбо адміністрацыйная адказнасць за гэта вам не пагражае.
А вось за розную прапаганду — зліў даных, рэпост, каментары, аказанне падтрымкі ў папулярызацыі канала, фінансаванне — прадугледжаная адказнасць згодна з дзейным заканадаўствам», — сцвярджаюць сілавікі.
На жаль, рэальная практыка лукашэнкаўскіх сілавікоў і суддзяў на працягу апошніх пяці гадоў гэтага катэгарычнага сцвярджэння зусім не пацвярджае.
У рэальным жыцці ў чалавека часта з'яўляюцца праблемы нават тады, калі ягоная сувязь з незалежнымі ад дзяржавы крыніцамі інфармацыі абмяжоўвалася проста іх чытаннем.
P. S. Зрэшты, і тут неўзабаве пасля таго, як на гэты абзац звярнулі ўвагу незалежныя СМІ, з міліцэйскага сайта ён быў выдалены.
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце
Прызналі «экстрэмісцкімі» сайт і сацсеткі Еўрапейскага гуманітарнага ўніверсітэта
Прызналі экстрэмісцкай старонкі Таццяны Сідаровіч, але не прарасійскай блогеркі, а яе поўнай цёзкі
Каментары