Сустрэчу Трампа, Пуціна і Зяленскага могуць правесці ўжо ў найбліжэйшую пятніцу
Амерыканскае выданне Axios са спасылкай на свае крыніцы паведаміла, што прэзідэнт ЗША Дональд Трамп пасля размоў з прэзідэнтам Украіны Уладзімірам Зяленскім і еўрапейскімі лідарамі хоча ўжо 22 жніўня правесці трохбаковы саміт з удзелам прэзідэнтаў Расіі і Украіны.
Паводле суразмоўцаў Axios, прэзідэнт Расіі Уладзімір Пуцін згадаў пра магчымыя гарантыі бяспекі для Украіны, але прапанаваў у якасці гаранта Кітай, што сведчыць пра яго нежаданне бачыць Захад у гэтай ролі.
Іншыя сведчанні крыніц Axios пацвярджаюць тое, што ўжо паведамлялася ў іншых СМІ.
Дональд Трамп 18 жніўня збіраецца правесці ў Вашынгтоне сустрэчу з Уладзімірам Зяленскім, па якую запрошаныя і еўрапейскія лідары, хоць пакуль невядома, хто з іх дакладна паедзе.
Уладзімір Пуцін патрабуе, каб Украіна аддала Расіі ўсе тэрыторыі Данецкай і Луганскай абласцей і згадзілася на замарожванне цяперашняй лініі фронту ў Запарожскай і Херсонскай абласцях. У якасці сваёй «саступкі» ён прапануе адмову ад наступлення там, дзе ягоныя войскі і так даўно не рухаюцца.
Таксама, паводле ўкраінскай крыніцы, амерыканцы атрымалі ўражанне, што Пуцін нібыта гатовы абмяркоўваць лёсы акупаваных тэрыторый у Харкаўскай і Сумскай абласцях.
Таксама ён настойвае, каб ЗША афіцыйна прызналі анексію ім украінскіх зямель.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА19
Каментары