Сёння адбылося пазачарговае пасяджэнне Беларускай федэрацыі футболу, на якім быў абраны новы старшыня. Ім стаў начальнік ўпраўлення спорту і турызму Мінскага аблвыканкама Яўген Булойчык.
Генеральны дырэктар мінскага «Дынама» Андрэй Толмач зняў сёння сваю кандыдатуру на карысць Булойчыка, таму апошні і застаўся адзіным прэтэндэнтам на пасаду старшыні арганізацыі.
Пазаўчора таксама зняў сваю кандыдатуру першы намеснік старшыні БФФ Андрэй Васілевіч.
З сакавіка 2023 года БФФ кіраваў былы Віцебскі губернатар Мікалай Шарснёў. На сваёй пасадзе ён адкрыта канфліктваў з міністрам спорту і былым ахоўнікам Лукашэнкі Сяргеем Кавальчуком. Кіраўнік БФФ крытыкаваў усе прапановы, якія лабіраваў міністр.
Напрыклад, Шарснёў быў супраць забароны на замежныя зборы для клубаў з дзяржаўнай падтрымкай, супраць лімітаў на заробкі ў чэмпіянаце Беларусі. Шарснёву не падабалася, што Кавальчук пастаянна ўмешваўся ў справы БФФ, хаця па правілах УЕФА дзяржава рабіць гэта не мае права.
У маі Шарснёва прызначылі намеснікам кіраўніка спраў Лукашэнкі. А неўзабаве ён падаў заяву аб адстаўцы з пасады старшыні БФФ, не адпрацаваўшы чатырохгадовы тэрмін.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары