Прэзідэнт Інданезіі прылятаў да Лукашэнкі, каб пагаварыць пра ўгнаенні
Прэзідэнт Інданезіі Прабова Субіянта патлумачыў свой нечаканы візіт у Беларусь 15 ліпеня перамовамі аб пастаўках угнаенняў, заўважыла выданне Reform.news.
Паводле паведамлення прэс-службы прэзідэнта Інданезіі, сустрэча з Аляксандрам Лукашэнкам прайшла ў рэзідэнцыі «Азёрны», яна доўжылася тры гадзіны і мела, як сцвярджаецца, нязмушаную, сяброўскую атмасферу.
Бакі абмеркавалі шэраг стратэгічных пытанняў, у тым ліку магчымасці супрацоўніцтва паміж дзвюма краінамі. Асаблівая ўвага была нададзена тэме гандлю сыравіннымі таварамі і забеспячэнню Інданезіі беларускімі ўгнаеннямі.
Азіяцкі госць падкрэсліў, што Беларусь мае патрэбу ў пэўных таварах з Інданезіі, а Інданезіі, у сваю чаргу, патрэбныя ўгнаенні, у тым ліку калій.
У перамовах з інданезійскага боку ўдзельнічаў сакратар Кабінета міністраў Тэдзі Індра Віджая, а з беларускага — віцэ-прэм’ер Віктар Каранкевіч і Сяргей Зелянкевіч, памочнік сына Лукашэнкі — Віктара.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары