6 мая ў Мінск прыбыў з візітам прэзідэнт Гвінеі-Бісау Умару Сісоку Эмбала. Заўтра ён правядзе перамовы з Аляксандрам Лукашэнкам.
Як паведамілі ў прэс-службе Лукашэнкі, 7 траўня палітыкі «абмяркуюць пытанні актывізацыі двухбаковага ўзаемадзеяння і развіцця супрацоўніцтва», надаючы асаблівую ўвагу «рэалізацыі ўзаемавыгадных праектаў у ключавых галінах эканомікі».
Прэзідэнт Гвінеі-Бісау будзе знаходзіцца з візітам у Беларусі з 6 па 8 мая. Пасля ён накіруецца ў Маскву для ўдзелу ў святочных мерапрыемствах 9 мая. Лукашэнка, дарэчы, туды паляціць таксама. Але ён, пабыўшы на парадзе, паляціць дахаты ў Мінск прымаць свой, а гвінейскі госць пасля Масквы накіруецца ў супрацьлеглы бок — у Японію.
У лістападзе 2024 года Аляксандр Лукашэнка і Умару Сісоку Эмбала ўжо мелі кароткую сустрэчу ў Баку — на палях Сусветнага саміту па барацьбе са змяненнем клімату.
Гвінея-Бісау — невялічкая краіна на захадзе Афрыкі, былая партугальская калонія. Яе тэрыторыя — 36 120 квадратных кіламетраў (прыблізна як наша Мінская вобласць), а колькасць насельніцтва — крыху большая за паўтара мільёна. Гэта былая партугальская калонія, незалежная з 1973 года. І адна з найбяднейшых краін свету, бо адзінае, з чаго жыве — сельская гаспадарка і рыбалоўства.
Умару Сісоку Эмбала кіруе гэтай краінай з 2014 года.
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары