Гродзенец купіў альбом з фатаграфіямі горада, якім споўнілася сто гадоў
Гродзенец Аляксандр набыў на аўкцыёне альбом 1915 года выдання з фатаграфіямі горада. Як выглядае дарэвалюцыйны альбом, Аляксандр паказаў у тыктоку, піша Hrodna.life.
Альбом з фатаграфіямі Гродна быў выдадзены ў 1915 у Берліне. Кніга называецца Erinnerung an Grodno, што перакладаецца як «памяць пра Гродна».
«Тут сабраныя 20 краявідаў часоў Першай сусветнай вайны. Калі я ўдзельнічаў у аўкцыёне, бачыў некалькі здымкаў — таму я таксама разам з вамі ўпершыню гляджу», — пракаментаваў распакоўку альбома Аляксандр.
На аўкцыённай пляцоўцы OneBild стартавая сума альбома склала € 28 (107 руб.). Пераможца набыў яго за € 98 (375 руб.).
У альбоме сярод іншага ёсць здымкі набярэжнай Нёмана, Фарнага касцёла, воданапорнай вежы і побыту сельскіх жыхароў з вёсак пад Гроднам.
Што гэта за альбом старых фатаграфій Гродна?
Альбом выдалі ў Германіі пасля таго, як нямецкая армія заняла Гродна восенню 1915 года. Каштоўнасць альбома заключаецца ў яго аўтэнтычнасці, у тым ліку арыгінальнай вокладцы і пераплёце, якія захаваліся за 110 гадоў. Большасць са змешчаных там фатаграфій былі зробленыя гродзенскімі фатографамі раней, яшчэ да Першай сусветнай вайны, а нямецкі выдавец проста сабраў іх пад адной вокладкай.
Гэта было папулярнай практыкай: удалыя кадры яшчэ царскіх часоў маглі шмат гадоў тыражавацца і пад нямецкай акупацыяй, і падчас міжваеннай Польшчы.
Цікава, што некаторыя фота для берлінскага альбома былі адрэдагаваныя і «палепшаныя». Напрыклад, на фота манастыра выдалілі «непрывабны» будынак злева і дамалявалі сцяну царквы.
Гродзенец знайшоў рэдкія здымкі горада часоў Першай сусветнай вайны
«Чаму я не бачу таго, што бачыць ён?» Як будаўнік стаў фатографам і зафіксаваў тое, чаго больш ніколі не будзе
У БДУ выстаўляюць унікальныя фатаграфіі пачатку ХХ стагоддзя. Іх усё жыццё рабіў праваслаўны святар
«Шукаем аднаго чалавека дагэтуль, але не ведаю, ці знойдзем»: як сын вялікага беларускага фатографа вярнуў памяць аб ім
«Ніколі такога не здарыцца, што можна будзе сказаць: мы ўсё знайшлі». Краязнавец, вымушаны выехаць за мяжу, робіць шыкоўныя знаходкі і там
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве37
Каментары