Свет55

«Пажыві ў маім доме»: Усік запрасіў Трампа ва Украіну на тыдзень

Чэмпіён свету па боксе ў суперцяжкай вазе Аляксандр Усік прапанаваў прэзідэнту ЗША Дональду Трампу пажыць у яго доме тыдзень, каб на ўласным досведзе зразумець рэальнасць вайны ва Украіне.

Аляксандр Усік. Фота: AP Photo / Jose Breton, File

Пасля таго як прэзідэнт Расіі Уладзімір Пуцін распачаў паўнамаштабнае ўварванне ва Украіну ў 2022 годзе, Трамп паабяцаў, што закончыць гэты канфлікт «на працягу 24 гадзін» пасля вяртання ў Белы дом. Аднак 78-гадовы палітык так і не здолеў выканаць гэтае абяцанне і абвінаваціў прэзідэнта Украіны Уладзіміра Зяленскага ў «пачатку вайны».

Усік заявіў у інтэрв’ю BBC Sport:

«Я раю амерыканскаму прэзідэнту Дональду Трампу прыехаць ва Украіну і пажыць у маім доме адзін тыдзень. Усяго адзін тыдзень. Я аддам яму свой дом. Пажывіце, калі ласка, ва Украіне і паглядзіце, што адбываецца кожную ноч. Кожную ноч — бомбы і самалёты над маім домам. Бомбы, ракеты. Кожную ноч. Хопіць».

У лютым Зяленскаму было прапанавана пакінуць Белы дом пасля публічнай спрэчкі з Трампам у Авальнай зале, у ходзе якой амерыканец заявіў, што Кіеў павінен быць больш удзячным ЗША за дапамогу ў перамовах.

Калі журналісты спыталі Усіка, ці зменіць Трамп сваё меркаванне пасля такога вопыту, той адказаў:

«Я не ведаю. Можа, зразумее, можа — не. Ва Украіне гінуць людзі. Не толькі вайскоўцы, але і дзеці, жанчыны, бабулі, дзядулі. Мне цяжка. Гэта мая краіна. Я перажываю за тое, што ў ёй адбываецца».

З моманту свайго рэваншу супраць Джошуа тры гады таму, Усік актыўна заклікае да міру ва Украіне. Ён застаецца ключавой фігурай у публічных намаганнях краіны на міжнароднай арэне, побач з іншымі знакамітымі баксёрамі — Уладзімірам і Віталём Клічко.

Каментары5

  • ёі
    09.06.2025
    Сергей, не разумею толькі: за трое сутак ці за 24 гадзіны?
  • !!!
    09.06.2025
    95 квартал рулит!!!!
  • Glit
    10.06.2025
    Как вы надоели со своими претензиями. Решайте свои проблемы сами. Вам никто ничего не должен.

Цяпер чытаюць

Частка іранскіх ракет ізноў прабіла «Жалезны шчыт» Ізраіля, падалі на жылыя дамы1

Частка іранскіх ракет ізноў прабіла «Жалезны шчыт» Ізраіля, падалі на жылыя дамы

Усе навіны →
Усе навіны

«Да гэтага часу не веру, што выжыў». Расповед адзінага выжылага ў катастрофе самалёта Air India, які разбіўся ў Ахмедабадзе

Хлопца, які ў Лебедзевай бэсціў Еўропу, асудзілі за ўдзел у пратэстах і ўхіленне ад войска6

Лукашэнка запатрабаваў ад вайскоўцаў вынайсці цуд-машыну для барацьбы з дронамі9

Расіяне запусцілі ў Беларусі дзіўны месенджар — рэгістрацыя па нумары тэлефона, а вось выдаліцца можна толькі калі дазволяць34

Джон Кенэдзі і Роберт Кенэдзі згуляюць на клубным чэмпіянаце свету па футболе ў ЗША. Прычым у адной камандзе

Палавое выспяванне робіцца ўсё больш раннім, а псіхалагічная даросласць — позняй. І гэта праблема4

Дзіцячы цэнтр, які адмовіў дзяўчыне ў працаўладкаванні за беларускую мову, улады праверылі і знайшлі парушэнні2

У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране11

«Гэты фэст не толькі для кайфу». Арганізатары фестывалю Tutaka расказалі пра сёлетнія планы і перспектывы10

больш чытаных навін
больш лайканых навін

Частка іранскіх ракет ізноў прабіла «Жалезны шчыт» Ізраіля, падалі на жылыя дамы1

Частка іранскіх ракет ізноў прабіла «Жалезны шчыт» Ізраіля, падалі на жылыя дамы

Галоўнае
Усе навіны →

Заўвага:

 

 

 

 

Закрыць Паведаміць