Цяжарныя жанчыны ў Беларусі змогуць атрымліваць вызваленне ад працы, калі ім трэба будзе прайсці медыцынскія абследаванні. Пра такую ініцыятыву па змяненні Працоўнага кодэкса расказала ў эфіры тэлеканала СТБ дэпутатка Анжаліка Курчак.
Дэпутатка паведаміла, што цяпер Працоўны кодэкс не прадугледжвае вызвалення ад працы для праходжання абавязковых медыцынскіх абследаванняў.
Анжаліка Курчак удакладніла, што да яе звярнуўся мужчына, які расказаў, што яго цяжарную жонку не адпускаюць з працы на медыцынскія абследаванні.
Паводле яе слоў, гэтае пытанне ўжо прапрацавалі ў профільных камісіях і разам з Міністэрствам аховы здароўя, бо «заканадаўчая ініцыятыва ідзе ад жыцця».
Пакуль гэта толькі ініцыятыва, але дэпутатка запэўніла, што мае намер прапанаваць адпаведную папраўку ў Працоўны кодэкс.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3030
Каментары