Прапагандысты заявілі пра затрыманне мядзельскага музыкі, пра якога пісала Бондарава
Пра затрыманне Аляксандра Хіхеля напісалі Рыгор Азаронак, Людміла Гладкая і Вольга Бондарава, заўважыла «Люстэрка».
Прапагандысты пішуць, што музыка спяваў «дурацкія песні супраць СВА, супраць нашай улады, супраць Расіі, супраць Дня перамогі».
«А цяпер сядзіць дзесьці ў іншым месцы. І канал знесены нахрен», — напісаў Азаронак. Яго пост размясціла ў сябе і яго калега — прапагандыстка Людміла Гладкая.
Па інфармацыі Бондаравай, Хіхеля вінавацяць у «стварэнні і распаўсюдзе экстрэмісцкага кантэнту». Дакладны артыкул невядомы.
У тэлеграм-канале Бондаравай можна знайсці данос на Хіхеля, датаваны 17 лістапада 2024 года, заўважае «Люстэрка». У той публікацыі прапагандыстка заявіла, што музыка ў 2020 годзе «падтрымаў спробу дзяржаўнага перавароту, але па шыі не атрымаў».
На момант напісання навіны на інстаграм-старонку Аляксандра Хіхеля падпісаны 253 чалавекі. На ютуб яго жонкі, дзе публікаваліся відэа, — 6,17 тысяч чалавек. У роліках музыка грае на гітары і спявае песні «Пра аферыстаў», «Восьмага сакавіка», «Я буду чакаць вас у выраі» і іншыя.
«Размаўляў увесь час па-беларуску». Павел Севярынец запісаў свой першы зварот пасля вызвалення18
Каментары
Но это не меняет сути русского мира и скотного двора лукашенко, как смердело от них фашизмом, так и продолжает смердеть!