Прэм’ер-міністр Польшчы Дональд Туск паведаміў, што звернецца да Сейма з просьбай пра вотум даверу да ўрада. Гэта яго рэакцыя на перамогу прадстаўніка апазіцыі Караля Наўроцкага на прэзідэнцкіх выбарах. Туск падкрэсліў, што не мае сэнсу чакаць, пакуль хтосьці іншы ініцыюе такое галасаванне — урад сам прадставіць адпаведную пастанову.
Паводле слоў Туска, нават калі прэзідэнт будзе блакаваць змены, урад працягне сваю працу і будзе прымаць рашэнні, бо для гэтага яго і выбралі. Ён адзначыў, што гэтае галасаванне стане першым выпрабаваннем для кааліцыі, у якую ўваходзяць партыі «Грамадзянская платформа», «Левыя» і «Трэці шлях».
Аднак унутры кааліцыі не ўсе падтрымліваюць гэтую ідэю: лідар «Трэцяга шляху» Шыман Галоўня назваў вотум даверу «тэатральным жэстам», а ягоная партыя хоча перагледзець умовы кааліцыйнай дамовы.
У сваю чаргу, лідар апазіцыйнай партыі «Права і справядлівасць» Яраслаў Качыньскі прапанаваў стварыць тэхнічны ўрад, бо лічыць, што выбары паказалі недавер да цяперашняй улады. Ён назваў вынікі галасавання «чырвонай карткай» для ўрада Туска.
Паводле афіцыйных вынікаў, Караль Наўроцкі перамог на прэзідэнцкіх выбарах з вынікам 50,89%, а ягоны апанент Рафал Тшаскоўскі атрымаў 49,11%. Яўка склала больш за 71%.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары