Donald Tusk źvierniecca da Siejma z prośbaj pra votum davieru dla ŭrada
Premjer-ministr Polščy Donald Tusk paviedamiŭ, što źvierniecca da Siejma z prośbaj pra votum davieru da ŭrada. Heta jaho reakcyja na pieramohu pradstaŭnika apazicyi Karala Naŭrockaha na prezidenckich vybarach. Tusk padkreśliŭ, što nie maje sensu čakać, pakul chtości inšy inicyjuje takoje hałasavańnie — urad sam pradstavić adpaviednuju pastanovu.
Pavodle słoŭ Tuska, navat kali prezident budzie błakavać źmieny, urad praciahnie svaju pracu i budzie prymać rašeńni, bo dla hetaha jaho i vybrali. Jon adznačyŭ, što hetaje hałasavańnie stanie pieršym vyprabavańniem dla kaalicyi, u jakuju ŭvachodziać partyi «Hramadzianskaja płatforma», «Levyja» i «Treci šlach».
Adnak unutry kaalicyi nie ŭsie padtrymlivajuć hetuju ideju: lidar «Treciaha šlachu» Šyman Hałoŭnia nazvaŭ votum davieru «teatralnym žestam», a jahonaja partyja choča pierahledzieć umovy kaalicyjnaj damovy.
U svaju čarhu, lidar apazicyjnaj partyi «Prava i spraviadlivaść» Jarasłaŭ Kačyński prapanavaŭ stvaryć techničny ŭrad, bo ličyć, što vybary pakazali niedavier da ciapierašniaj ułady. Jon nazvaŭ vyniki hałasavańnia «čyrvonaj kartkaj» dla ŭrada Tuska.
Pavodle aficyjnych vynikaŭ, Karal Naŭrocki pieramoh na prezidenckich vybarach z vynikam 50,89%, a jahony apanient Rafał Tšaskoŭski atrymaŭ 49,11%. Jaŭka skłała bolš za 71%.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary