Расійскія чыгункі сутыкнуліся з найбуйнейшым падзеннем грузаперавозак у гісторыі кампаніі
У 2024 годзе перавозка грузаў Расійскімі чыгункамі ўпала да найніжэйшага ўзроўню за 15 гадоў і ў 2025 годзе працягвае зніжацца, даведалася Reuters. За студзень—красавік перавозкі скараціліся на 6,8%, а ў красавіку — на 8,6%.
Такая сітуацыя на Расійскіх чыгунках складваецца з-за высокай працэнтнай стаўкі, санкцый і складанай сітуацыі на сусветных рынках. Найбуйнейшыя экспарцёры Расіі — «Русал», група НЛМК, «Газпрамнафта» і іншыя — скарачаюць аб'ёмы перавозак праз чыгункі.
Паводле дакумента РЧ, які здабыло агенцтва Reuters, у 2025 годзе чакаецца далейшае падзенне — прыкладна на 3% у параўнанні з планам. Асноўныя страты будуць часткова пакрытыя павелічэннем перавозак вугалю, які прыносіць менш даходаў.
Кампанія тлумачыць зніжэнне перавозак некалькімі прычынамі: жорсткай фінансавай палітыкай, міжнароднай эканамічнай нестабільнасцю, санкцыямі, а таксама праблемамі з буйнымі кліентамі. Асабліва пацярпелі перавозкі будаўнічых і металургічных грузаў.
Таксама назіраецца падзенне экспарту ў Кітай, асабліва ўгнаенняў, лесу, металу і нафтапрадуктаў. На сітуацыю ўплываюць і атакі беспілотнікаў на расійскія нафтаперапрацоўчыя заводы.
Са студзеня па сакавік 2025 года расійская прамысловасць паказвае прыкметы рэцэсіі. Знізіліся здабыча карысных выкапняў, вытворчасць сталі, дрэваапрацоўка і выпуск аўтамабіляў.
У выніку падзення перавозак Расійскія чыгункі чакае страта даходу каля 87 мільярдаў рублёў. Каб скараціць выдаткі, кампанія плануе зменшыць інвестыцыйную праграму. Для эканоміі Расійскія чыгункі таксама скарачаюць выкарыстанне пазыковых сродкаў і выдаткі на абслугоўванне доўгу.
Расійская эканоміка пачала 2025 год з моцным запаволеннем
Параўналі цэны на аўтамабілі беларускай і расійскай вытворчасці ў Беларусі і Расіі. Розніца вас здзівіць
Што будзе з Беларуссю, калі ЕС увядзе поўнае гандлёвае эмбарга супраць Расіі
Прэзідэнтка Еўракамісіі абвясціла аб завяршэнні эры расійскіх нафты і газу ў Еўропе
Расійская эканоміка ў першым квартале ўпершыню з 2022 года паказала спад
Арыштаваны дырэктар Палаца Рэспублікі, адзін з арганізатараў Марафона адзінства9
Каментары
Оборонка не способна заместить собою объёмы довоенных перевозок.
Это показывает РЕАЛЬНОЕ падение в гражданском секторе экономики Росии и падение экспорта-импорта России.
Карціна маслам: пачаўся заняпад.
Ну што, "пазьнячкі", адменім санкцыі, га?
А то ў Таможенном Союзе бяда - галоўны траспарт вайны і дзяржавы, артэрыя эканомікі без работы кісьне, вазіць няма чаго і становіца яшчэ менш.
Давайце павыем ад імя і в пользу простых і бедных.