Расійская эканоміка ў першым квартале ўпершыню з 2022 года паказала спад
Паводле аналітыкаў Райфайзэнбанка, расійскі ВУП змяншыўся на 0,3% у параўнанні з папярэднім кварталам, нягледзячы на рост у гадавым выражэнні (на 1,7%). Гэта сведчыць пра аслабленне «ваеннай бурбалкі», якая трымалася на рэкордных з часоў СССР выдатках на абарону, піша The Moscow Times.
Расійская прамысловасць амаль спыніла рост, а гандаль пачаў скарачацца. Дадатковае негатыўнае ўздзеянне аказваюць зніжэнне цэн на нафту і страты валютнай выручкі.
Падзенне паказчыкаў у галінах, не звязаных з вайсковай вытворчасцю, — машынабудаванні, харчовай прамысловасці, — таксама паскараецца. Спажывецкія выдаткі амаль не растуць, а ў некаторых сегментах нават падаюць.
Эксперты папярэджваюць пра рызыку тэхнічнай рэцэсіі і магчымасць, што рост ВУП у 2025 годзе будзе значна ніжэйшы за прагназаваныя 2,5%, асабліва з улікам планаў урада скараціць бюджэтныя выдаткі.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары
"Маскоўскай імперыі эканоміка ў першым квартале ўпершыню з 2022 года паказала спад"