Перамовы ў Стамбуле завяршыліся. Масква патрабуе здачы Украінай чатырох абласцей
Перамовы паміж расійскімі і ўкраінскімі перамоўшчыкамі ў Стамбуле ў пятніцу завяршыліся прыкладна праз дзве гадзіны, паведамляе Reuters са спасылкай на крыніцу ў МЗС Турцыі.
Украінская крыніца паведаміла агенцтву, што патрабаванні Расіі на перамовах былі адарваныя ад рэальнасці і значна выходзілі за рамкі ўсяго, што абмяркоўвалася раней:
«Яны ўключаюць ультыматумы для Украіны аб вывадзе войскаў з яе тэрыторыі дзеля спынення агню, а таксама іншыя немагчымыя для выканання і неканструктыўныя ўмовы».
Такая ж інфармацыя ў дэпутата Вярхоўнай Рады Украіны Аляксея Ганчарэнкі.
«Расіяне запатрабавалі, каб Украіна цалкам выйшла з 4 сваіх абласцей. На што атрымалі адмову ад украінскай дэлегацыі. У адказ на як — расіяне ўсталі і сказалі, што «наступны раз абласцей будзе ўжо 5», — расказаў дэпутат.
Па ягоных словах, Расія нібыта пагражала захапіць Сумскую вобласць для стварэння буфернай зоны бяспекі.
Рэдкі выпадак: памілаваны беларускі палітвязень пайшоў на вайну супраць Украіны16
Рэдкі выпадак: памілаваны беларускі палітвязень пайшоў на вайну супраць Украіны
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1212
Каментары