У Магілёве беларускую бульбу прадаюць даражэй за іранскія кавуны
Відэа з магілёўскай крамы з'явілася ў тыктоку. Там са словам «Ачмурэць!» паказалі цэны на айчынную бульбу і далёкія іранскія кавуны.
Свойская бульба ў краме па 5,53 рубля, а заморскія кавуны — па 5,29 рубля.
Шмат хто ў каментарах кінуўся абараняць такі парадак цэн.
«Ну нарэшце справядлівая цана за бульбу, паў жыцця працую на яе, і ўсё бясплатна, а тут на бабкі можна падняцца».
«9 р. за кубак кавы не шкада аддаць, а 5 р. за бульбу — шкада. Я разумею, што дорага, але і людзі ў калгасах есці хочуць і іх дзеці», — пішуць адны.
Другія даводзяць, што гэта трызненне.
«На рынку цэнтральным, Магілёў, падмёрзлую, ужо ўнутры сапсаваную, бессаромна прадаюць па такой жа цане. А з нагоды «вырасці сам», давайце ўжо і хлеб самі будзем выпякаць. Не пішыце трызненне».
«Як прэзідэнт улез у бульбу, адразу падаражэла ў тры разы, і пра якія прадукты ні загаварыў, усё адразу даражэй становіцца, як спецыяльна», — пішуць трэція.
«Усё глупства. КУДЫ ЗНІКЛА ЦЫБУЛЯ?» — рэзюмуе яшчэ адзін каментатар.
-
«Лукашэнку нельга назваць нават малодшым партнёрам Пуціна». Кіт Келаг расказаў пра ролю Лукашэнкі ў перамовах ЗША і Расіі
-
У Барысаве дзяцел заняўся дызайнам фасадаў і не дае жыхарам зранку спаць
-
«Так званая постпенітэнцыярная адаптацыя». Дэпартаваны палітвязень Кірыла Пазняк апублікаваў сваё ФОТА з дочкамі
Каментары