U Mahilovie biełaruskuju bulbu pradajuć daražej za iranskija kavuny
Videa z mahiloŭskaj kramy źjaviłasia ŭ tyktoku. Tam sa słovam «Ačmureć!» pakazali ceny na ajčynnuju bulbu i dalokija iranskija kavuny.
Svojskaja bulba ŭ kramie pa 5,53 rubla, a zamorskija kavuny — pa 5,29 rubla.
Šmat chto ŭ kamientarach kinuŭsia abaraniać taki paradak cen.
«Nu narešcie spraviadlivaja cana za bulbu, paŭ žyćcia pracuju na jaje, i ŭsio biaspłatna, a tut na babki možna padniacca».
«9 r. za kubak kavy nie škada addać, a 5 r. za bulbu — škada. Ja razumieju, što doraha, ale i ludzi ŭ kałhasach jeści chočuć i ich dzieci», — pišuć adny.
Druhija davodziać, što heta tryźnieńnie.
«Na rynku centralnym, Mahiloŭ, padmiorzłuju, užo ŭnutry sapsavanuju, biessaromna pradajuć pa takoj ža canie. A z nahody «vyraści sam», davajcie ŭžo i chleb sami budziem vypiakać. Nie pišycie tryźnieńnie».
«Jak prezident ulez u bulbu, adrazu padaražeła ŭ try razy, i pra jakija pradukty ni zahavaryŭ, usio adrazu daražej stanovicca, jak śpiecyjalna», — pišuć trecija.
«Usio hłupstva. KUDY ŹNIKŁA CYBULA?» — reziumuje jašče adzin kamientatar.
Ciapier čytajuć
Pamior narodny artyst Biełarusi Jarasłaŭ Jeŭdakimaŭ — vykanaŭca chitoŭ «Začarovanaja maja» i «Fantazior»15
Kamientary