Трамп верыць, што Пуцін хоча спыніць вайну, але дапускае, што той «дурыць яму галаву»
Прэзідэнт ЗША заявіў, што, на яго думку, расійскі лідар хоча спыніць вайну ва Украіне, нягледзячы на працяглыя атакі з боку расійскіх войскаў.
«Я думаю, што так, — сказаў ён у інтэрв’ю ABC News, адказваючы на пытанне пра тое, ці хоча Пуцін міру. — Ягонай марай было захапіць усю краіну. Думаю, дзякуючы мне ён гэтага не зробіць».
Трамп ухіліўся ад адказу на прамое пытанне пра тое, ці давярае ён расійскаму прэзідэнту.
«Я не давяраю вам. Я не давяраю шмат каму, але я думаю, што ён, скажам так, паважае мяне, і я веру, што з-за мяне ён не захопіць усю Украіну — хоць яго рашэннем, яго выбарам было б захапіць усю Украіну».
Амерыканскі прэзідэнт таксама адзначыў, што «не быў задаволены, калі пабачыў, як Пуцін запускае ракеты па ўкраінскіх гарадах», і дапусціў, што расійскі лідар можа «трохі дурыць яму галаву».
«Я веру, што ён гатовы спыніць баявыя дзеянні», — сказаў Трамп.
Цяпер чытаюць
«Пакінулі на некалькі гадзін аднаго на вакзале». Мужчына памёр пасля падзення з вышыні на працы1
«Пакінулі на некалькі гадзін аднаго на вакзале». Мужчына памёр пасля падзення з вышыні на працы
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
[Зрэдагавана]