У Еўропе і ва Украіне баяцца, што Трамп на гэтым тыдні выйдзе з перамоў па вайне — FT
Еўрапейскія і ўкраінскія чыноўнікі асцерагаюцца, што прэзідэнт ЗША Дональд Трамп цяпер знаходзіцца на мяжы адмовы ад удзелу ў мірных перамовах Кіева і Масквы, піша Financial Times са спасылкай на крыніцы.
Афіцыйныя асобы ў Еўропе і ва Украіне лічаць, што Трамп гатовы скарыстацца любым, нават часовым прарывам у перамовах, каб адзначыць свае першыя 100 дзён на пасадзе. Гэта будзе «падставай», каб ужо на гэтым тыдні заявіць, што яго праца выкананая.
Паводле аднаго з суразмоўцаў FT, Трамп «стварыў сітуацыю, з якой сам знойдзе падставу выйсці і перадаць Украіне і нам [Еўропе] рашэнне гэтай праблемы».
Крыніцы газеты таксама адзначаюць, што нежаданне Уладзіміра Пуціна пагадзіцца на ключавыя патрабаванні ЗША і Украіны — такія як захаванне ўкраінскіх узброеных сіл пасля вайны — а таксама агульная складанасць канфлікту прымусілі Трампа перагледзець сваю прыхільнасць да мірнага пагаднення.
Цяпер чытаюць
На абедзе Лукашэнкі і Сі Цзіньпіна прысутнічала і адзіная дачка кітайскага лідара11
Каментары
Колькі дзён, месяцаў, год патрабуецца фанатам Трампа, каб зразумець, што іх кумір быў звышупэўнены, памыляўся, даваў абяцанні там, дзе не разбіраўся?
І колькі жыцця патрэбна беларускім фанатам Трампа, калі яны за 30 год не ўцямілі пагрозу ад тыпажа "плявузгаючы нахабны невук"? Разумны навучаецца на ўласным досведзе. Сумленны - яшчэ і на гісторыі пакут сваёй радзімы.