Tramp vieryć, što Pucin choča spynić vajnu, ale dapuskaje, što toj «duryć jamu hałavu»
Prezident ZŠA zajaviŭ, što, na jaho dumku, rasijski lidar choča spynić vajnu va Ukrainie, niahledziačy na praciahłyja ataki z boku rasijskich vojskaŭ.
«Ja dumaju, što tak, — skazaŭ jon u intervju ABC News, adkazvajučy na pytańnie pra toje, ci choča Pucin miru. — Jahonaj maraj było zachapić usiu krainu. Dumaju, dziakujučy mnie jon hetaha nie zrobić».
Tramp uchiliŭsia ad adkazu na pramoje pytańnie pra toje, ci daviaraje jon rasijskamu prezidentu.
«Ja nie daviaraju vam. Ja nie daviaraju šmat kamu, ale ja dumaju, što jon, skažam tak, pavažaje mianie, i ja vieru, što z-za mianie jon nie zachopić usiu Ukrainu — choć jaho rašeńniem, jaho vybaram było b zachapić usiu Ukrainu».
Amierykanski prezident taksama adznačyŭ, što «nie byŭ zadavoleny, kali pabačyŭ, jak Pucin zapuskaje rakiety pa ŭkrainskich haradach», i dapuściŭ, što rasijski lidar moža «trochi duryć jamu hałavu».
«Ja vieru, što jon hatovy spynić bajavyja dziejańni», — skazaŭ Tramp.
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt18
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
[Zredahavana]