Зяленскі: Украіна разглядае ўсе фарматы перамоваў, якія дапамогуць спыніць агонь
Прэзідэнт Украіны падкрэслівае, што Украіна не выключае ніводнага з фарматаў перамоваў, якія могуць прывесці да спынення агню і надалей да сапраўднага міру. Я расійскі ўдар па аўтобусе ў горадзе Марганец з'яўляецца надзвычай жорсткім і цалкам свядомым ваенным злачынствам, піша УНІАН.
«Такія расійскія ўдары па мірных грамадзянах FPV-дронамі, на жаль, не з'яўляюцца рэдкасцю. Найбольш ад такога тэрору пакутуюць мірныя жыхары ў Херсоне і вобласці, у Купянску, у Пакроўску, у грамадах Дняпроўшчыны: Нікапаль і Марганец. Фактычна штодня адбываюцца такія ўдары. Расіяне яшчэ і хваляцца імі, публікуючы ў інтэрнэце відэа трапленняў па мірных грамадзянах. Увесь свет павінен успрымаць гэта цвяроза: калі такую форму тэрору ўжываюць расіяне, то іншыя тэрарысты таксама могуць пераняць яе», — паведаміў Зяленскі.
Як дадаў прэзідэнт, гэта адна з прычын, чаму працяг расійскай агрэсіі з'яўляецца глабальна небяспечным.
«Вайна з цягам часу змяняецца, і чым даўжэй яна доўжыцца, тым больш, на жаль, могуць мадэрнізавацца формы забойстваў і здзекаў з людзей. Мы ва Украіне настойваем на неадкладным, поўным і безумоўным спыненні агню», — падкрэсліў Зяленскі.
Ён нагадаў, што менавіта такой была і абсалютна правільная прапанова Злучаных Штатаў 11 сакавіка гэтага года.
«Гэта цалкам магчыма. Але магчыма тады, калі на гэта ідзе Расія і спыняе забойствы. На Вялікдзень нам удалося дасягнуць зніжэння інтэнсіўнасці баявых дзеянняў і адсутнасці паветраных трывог. Украіна прапаноўвала працягнуць гэты стан цішыні прынамсі на 30 дзён і зрабіць спыненне агню поўным. Таксама мы гатовыя да неадкладнага спынення агню прынамсі па грамадзянскіх аб’ектах і ўжо заяўлялі пра гэта», — заявіў прэзідэнт.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары