Кім Чэн Ын наведаў базу спецназа КНДР і асабіста пратэсціраваў снайперскую вінтоўку
Генеральны сакратар Працоўнай партыі Карэі і старшыня Дзяржсавета КНДР у пятніцу наведаў навучальную базу падраздзяленняў спецназу Карэйскай народнай арміі, дзе кіраваў комплекснымі вучэннямі, паведаміла Цэнтральнае тэлеграфнае агенцтва Паўночнай Карэі.
Паводле паведамлення, вярхоўны лідар КНДР назіраў за комплекснымі тактычнымі вучэннямі і спаборніцтвамі па стральбе. Ён заклікаў салдат «умацоўваць свой баявы патэнцыял праз інтэнсіўныя трэніроўкі дзеля забеспячэння перамогі».
Лідар КНДР адзначыў, што ўмацаванне сіл спецыяльнага прызначэння з’яўляецца галоўным элементам стратэгіі будаўніцтва КНА, і даручыў прыняць шэраг мераў для павышэння патэнцыялу сіл спецаперацый.
Кім Чэн Ын асабіста выпрабаваў новую снайперскую вінтоўку, якая паступіць на ўзбраенне спецназа КНА, і выказаў задавальненне характарыстыкамі зброі. Затым ён назіраў за выкананнем байцамі спецназа комплексных спецыяльных фізічных практыкаванняў, паведамляе ЦТАК.
Цяпер чытаюць
Жонку аднаго з галоўных турэмшчыкаў Беларусі пасадзілі ў калонію за ўдзел у пратэстах2
Каментары