У Кітаі назвалі прэзідэнта Тайваня «паразітам» і адправілі войскі на вучэнні да вострава
Улады Кітая абвясцілі аб правядзенні маштабных вайсковых вучэнняў каля паўночнага, паўднёвага і ўсходняга ўзбярэжжа Тайваня, паведамляе агенцтва «Сіньхуа». У аперацыі задзейнічаныя сухапутныя часці, вайскова-марскія і вайскова-паветраныя сілы, а таксама ракетныя войскі, піша The Moscow Times.
Прадстаўнік Народна-вызваленчай арміі Кітая Шы І заявіў, што вучэнні стануць «суровым папярэджаннем» «сепаратысцкім» сілам Тайваня.
Узброеныя сілы Кітая адпрацоўваюць баявое патруляванне флоту і авіяцыі каля ўзбярэжжа Тайваня, захоп «правоў комплекснага кантролю», нанясенне удараў па марскіх і наземных цэлях, а таксама блакаванне ключавых зон і шляхоў «з мэтай праверкі баяздольнасці» войскаў «у рэальных сумесных ваенных аперацыях».
Пекін праводзіць вучэнні следам за візітам міністра абароны ЗША Піта Хегсета ў Японію і на Філіпіны, падчас якога той крытыкаваў улады КНР і заявіў, што Японія «незаменная» для супрацьдзеяння кітайскай агрэсіі, піша Reuters.
Таксама Кітай выпусціў серыю прапагандысцкіх ролікаў, у якіх назваў прэзідэнта Тайваня Лай Цында «паразітам» і выявіў яго ў выглядзе зялёнага жука, якога трымаюць палачкамі для ежы над падпаленым Тайванем.
Урад Тайваня асудзіў вучэнні, а адміністрацыя прэзідэнта заявіла, што Кітай «прызнаны міжнароднай супольнасцю як парушальнік спакою» і што тайваньскі ўрад упэўнены ў здольнасці абараніць сябе. У Мінабароны Тайваня таксама паведамілі, што ў адказ на набліжэнне да вострава ў панядзелак кітайскай авіяноснай групы «Шаньдун» яны адправілі свае вайсковыя самалёты і караблі, а таксама актывавалі наземныя ракетныя сістэмы.
Паводле інфармацыі двух высокапастаўленых тайваньскіх чыноўнікаў, у аўторак ужо больш за 10 кітайскіх вайсковых караблёў наблізіліся да 44-кіламетровай прылеглай да Тайваня зоны. Тайвань у адказ накіраваў туды свае вайсковыя караблі. На востраве не зафіксавалі ніякай баявой актыўнасці з боку кітайскіх вайскоўцаў, адзначылі ва ўрадзе.
У той жа час МЗС Кітая заявіла, што вучэнні «з'яўляюцца законнымі і неабходнымі мерамі па абароне нацыянальнага суверэнітэту і захаванні нацыянальнага адзінства».
Апошні раз Кітай імітаваў атаку або блакаду Тайваня ў траўні мінулага года (праз тры дні пасля інаўгурацыі Лай Цында). Кітайскія сілы адпрацавалі захоп шэрагу тэрыторый вострава і правялі вучэнні з баявымі стрэльбамі.
Сакрэтны дакумент Пентагона паказаў рэзкую змену ваенных прыярытэтаў ЗША
У Кітаі будуецца самы вялікі камандны штаб у свеце для патэнцыйнай ядзернай вайны
Чаму незалежнасць і становішча Тайваня залежаць ад вынікаў вайны Расіі ва Украіне
Сі Цзіньпін у навагодняй прамове пагражаў Тайваню
Кітай правёў найбуйнейшыя за апошнія дзесяцігоддзі ваенныя вучэнні вакол Тайваня
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі26
Каментары