Высадка ў Грэнландыі: Джэй Дзі Вэнс разам з жонкай прыляцеў на востраў без запрашэння
Візіт віцэ-прэзідэнта ЗША Джэя Дзі Вэнса і яго жонкі Ушы ў Грэнландыю выклікаў бурную крытыку як на самім востраве, так і ў Даніі.
Самалёт з сямейнай парай прызямліўся на амерыканскай вайсковай базе «Пітуфік» на паўночным захадзе Грэнландыі — далёка ад сталіцы Нуук, дзе візіт палічылі непажаданым. Урад Грэнландыі загадзя падкрэсліў, што «не запрашаў нікога — ні ў прыватным, ні ў афіцыйным парадку», піша Bild.
Грэнландцы востра адрэагавалі на чарговы візіт, асабліва пасля жарту Вэнса, які ён апублікаваў перад вылетам: «Раз усе так расхваляваліся з-за паездкі Ушы, я падумаў — няхай і мне будзе трохі весялей, палячу з ёй».
На фоне ранейшых заяў Дональда Трампа пра намер «анексаваць або выкупіць» востраў, падобныя словы толькі ўзмацнілі напружанне.
«Мы не можам прыняць паўтаральныя заявы пра далучэнне і кантроль над Грэнландыяй», — адказаў прэм’ер-міністр вострава Мутэ Эгедэ.
Вэнс заявіў, што прыбыў, каб праверыць «бяспеку на базе» і нагадаў, што «многія краіны пагражаюць Грэнландыі, яе тэрыторыі і марскім шляхам».
Аднак улады вострава ўпэўненыя, што справа зусім не ў бяспецы. Прэм’ер-міністр Даніі Метэ Фрэдэрыксен прама заявіла, што дзеянні ЗША — гэта «непрымальны ціск» і што «гаворка дакладна не ідзе пра патрэбы і жаданні Грэнландыі».
Пад націскам крытыкі амерыканская дэлегацыя скарочвае час знаходжання на востраве да аднаго дня. Уша Вэнс таксама адмяніла ўдзел у спаборніцтвах па яздзе на сабачых упрэжках.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос16
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1212
Каментары