Качку бачылі ў Сляпянскай воднай сістэме, каля вуліцы Клумава. Як высветлілася, на параненую птушку звярнулі ўвагу яшчэ ў канцы лютага, піша Onliner.by.
Зімой яе фота з’явілася ў тэматычным тэлеграм-чаце «Ціў-Ціў». На месца прыязджалі ратавальнікі, прадстаўнікі адміністрацыі, валанцёры — але злавіць качку не ўдалося: зрабіць гэта складана. Птушка па-ранейшаму плавае ў кампаніі іншых.
Сітуацыю пракаментавала кіраўніца цэнтра дапамогі дзікім жывёлам «Сірын» Ірына Траяноўская:
— Насамрэч там дзве качкі з падобным пашкоджаннем. І я лічу, што лезці да іх не варта. Дроцік, як паказаў час, не перашкаджае ім жыць, і адчуваюць яны сябе нармальна. Вядома, хацелася б напісаць заяву, каб знайсці таго, хто страляе такімі дроцікамі. Але, зноў жа, камер няма, інфармацыі пра тое, хто гэта мог быць, таксама няма.
Цяпер чытаюць
Хрыста Грозеў: ад рамантыка-радыёаматара да чалавека, які выкрыў самыя змрочныя таямніцы ГРУ і ФСБ. Як яго вербавала спецслужба Люксембурга і як ён вымушаны хавацца цяпер
Каментары