Макрон заклікаў распрацаваць план гарантый бяспекі для Украіны на выпадак спынення агню
Прэзідэнт Францыі Эмануэль Макрон 11 сакавіка заклікаў вайсковае кіраўніцтва Еўропы і НАТА распрацаваць план «для вызначэння надзейных гарантый бяспекі» для Украіны ў выпадку спынення агню і «з улікам паскарэння мірных перамоваў», паведамляе AFP са спасылкай на афіцыйную заяву Елісейскага палаца.
Сёння таксама паведамлялася, што Макрон адкрыў нараду начальнікаў штабоў каля 30 краін, якія павінны падрыхтаваць праект вайсковага кантынгенту «кааліцыі ахвотных». Гэты кантынгент задуманы як спосаб стрымаць Расію ад парушэння перамір'я ва Украіне, калі такое будзе дасягнутае. Вядучую ролю ў гэтым пачынанні граюць Вялікабрытанія і Францыя.
Брытанскія афіцыйныя асобы на мінулым тыдні казалі, што пра свой патэнцыйны ўдзел у кааліцыі заявілі каля 20 краін, але не ўсе з іх гатовыя паслаць войскі. Поўны спіс краін да гэтага часу не раскрываўся, але лічыцца, што гэта краіны Еўрасаюза альбо Брытанскай Садружнасці.
Сёння дарадца прэзідэнта ЗША Дональда Трампа па нацыянальнай бяспецы Майк Уолц на брыфінгу пасля заканчэння перамоў паміж дэлегацыямі ЗША і Украіны ў Джыдзе (Саудаўская Аравія) паведаміў, што ЗША будуць прасоўваць прапанову аб спыненні агню ва Украіне на міжнародным узроўні.
Паводле яго слоў, дзяржсакратар ЗША Марка Рубіа павінен прадставіць гэтую прапанову на саміце краін G7, а прэзідэнт ЗША Дональд Трамп прадставіць яе генсакратару НАТА Марку Рутэ ўжо 13 сакавіка.
«Прэзідэнт Трамп пачаў гэтыя дыпламатычныя намаганні ў Авальным кабінеце, размаўляючы з абодвума лідарамі — прэзідэнтам Пуціным і прэзідэнтам Зяленскім. Цяпер, калі чаўночная дыпламатыя працягваецца, у нас ёсць дэлегацыя па наступных кроках з расійскага боку і ў нас ёсць дэлегацыя па наступных кроках з украінскага боку. Я буду гаварыць з расійскім калегамі найбліжэйшымі днямі», — падкрэсліў Уолц.
Цяпер чытаюць
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком1
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары