У Францыі бацька некалькі гадоў гвалціў сваю дачку-падлетка і прапаноўваў іншым
Мужчына схіліў да сэксу сваю дачку, калі той было 13 гадоў. Пазней ён стаў запрашаць знаёмых далучыцца да яго.
Як піша Le Monde, сямейная драма пачалася ў 2019 годзе. Жыхар невялічкага гарадка Салернэ (Salernes, поўдзень Францыі) трымаў сваю прыёмную дачку пад поўным кантролем.
Ён меў доступ да яе сацыяльных сетак, даваў дазвол на сустрэчы з сябрамі і прагулкі. Калі дзяўчынцы было 13 гадоў, мужчына ўгавораў, пагрозамі і абразамі прымусіў яе да сэксуальных адносін.
Падчас следства мужчына спрабаваў даказаць, што ён толькі саступіў просьбам сваёй падчарыцы, якую ён выгадаваў і з якой у яго склаліся рамантычныя адносіны.
Але суд у гэта не паверыў. «Гаворка ідзе не пра каханне, а пра ўладу і панаванне. Яму падабалася мець над ёй усю ўладу, каб яна належала і падпарадкоўвалася яму», — цытуе выданне словы генеральнага пракурора горада Вар, дзе адбыўся суд.
Як высветліла следства, праз некаторы час гвалтаўнік стаў запрашаць да ўдзелу іншых мужчын, якіх шукаў праз сайты знаёмстваў. Там ён прадстаўляў сябе з дзяўчынкай як маладую пару 26 і 20 гадоў, якая імкнецца да задавальнення сваіх фантазій. Сустрэчы адбываліся як у Салернэ, так і ў суседніх гарадах. Вядома як мінімум аб трох дзясятках такіх выпадкаў.
Падчас такіх сустрэч ён звычайна завязваў сваёй ахвяры вочы і кіраваў працэсам, які здымаў на відэа.
Следчыя здолелі адшукаць толькі аднаго чалавека, які скарыстаўся прапановай. Гэта 60-гадовы мужчына, бацька шасцярых дзяцей. Ён быў выкрыты дзякуючы геалакацыі адной з фатаграфій ці відэазапісаў з удзелам пацярпелай, знойдзеных на прыладах айчыма дзяўчынкі.
На судзе гэты мужчына заявіў, што быў уцягнуты ў тое, што адбываецца, мяркуючы, што ўдзельнічае ў рэалізацыі фантазій дарослай пары. Ён прызнаўся, што не пытаўся згоды дзяўчыны, бо мужчына, які яе «суправаджаў», даў гэту згоду.
Аднак фатаграфіі, прадстаўленыя на судзе, як заўважаюць следчыя, не пакідаюць сумневаў ва ўзросце і эмацыйным стане ахвяры.
Насілле працягвалася тры гады, пакуль у жніўні 2021 года дзяўчынка ў слязах не збегла ад свайго гвалтаўніка ў адным з курортных гарадкоў. Да яе падышла адна з жанчын, выслухала і адвяла ў паліцыю, нягледзячы на шматлікія званкі і паведамленні айчыма.
Суд прыгаварыў 38-гадовага гвалтаўніка да максімальнага тэрміну — 20 гадоў турмы. 60-гадовы кліент атрымаў 16 гадоў.
Цяпер чытаюць
«Сказалі, што людзі з візамі тыпу C не змогуць перасячы мяжу». На літоўскіх прапускных пунктах здарыўся калапс5
Каментары
Гаворка была пра адсутнасць на НН навін аатакаў мігрантаў у Францыі і Еўропе, які можна прачытаць у замежных СМІ.