Карыстальнікі сацыяльных сетак перастаюць выстаўляць сваё жыццё напаказ. Якія яшчэ трэнды фіксуюць даследчыкі?
Як піша Le Monde, нягледзячы на тое, што мільярды людзей па-ранейшаму штодня заходзяць у інстаграм, фэйсбук, твітар, а цяпер і ў тыкток, характар іх актыўнасці ў сацсетках змяніўся. Цяпер людзі публікуюць значна менш кантэнту, чым раней.
Аўтар спасылаецца на словы кіраўніка Instagram Адама Мосеры, які адзначае, што карыстальнікі ўсё радзей дзеляцца асабістымі момантамі ў стужцы, а вось сторыз посцяць усё больш, і паведамленнямі ў прываце дзеляцца часцей.
У Беларусі людзі змянілі свае сацсетачныя звычкі ў выніку палітычных рэпрэсій. Але і ў вольным свеце змены ў фармаце карыстання сацсеткамі таксама адбыліся.
З моманту з'яўлення фэйсбука ў 2004 годзе парадыгма выкарыстання інтэрнэту істотна змянілася. Калі раней карыстальнікі актыўна публікавалі кантэнт для шырокай аўдыторыі, то цяпер яны больш асцярожныя ў сваіх пастах, часта пазбягаючы адкрытых выказванняў. Людзі ўсведамляюць, што публікацыі могуць мець непажаданыя наступствы для асабістага і прафесійнага жыцця.
Як адзначыла ў інтэрв'ю Le Monde 36-гадовая Сара, якая працуе прадавачкай, раней яна шчодра дзялілася дэталямі асабістага жыцця, але цяпер аддае перавагу прыватнасці. Яна зразумела, што сацыяльныя сеткі могуць негатыўна паўплываць на яе прафесійнае жыццё, а таксама выкарыстоўвацца для пераследу або злоўжывання асабістымі данымі.
Моладзь таксама адчувае змены ў выкарыстанні сацыяльных сетак. 19-гадовы Раян Эрмасі (Rayan Hermassi) расказаў, што выдаліў усе сацыяльныя сеткі са свайго тэлефона, акрамя Snapchat, які выкарыстоўвае для прыватных паведамленняў. Гэты падыход да публікацый сведчыць пра тое, што моладзь аддае перавагу прыватным зносінам замест публічнага кантэнту.
У прыватнасці, працягвае расці ватсап. У яго ў свеце ўжо ёсць больш за два мільярды актыўных карыстальнікаў. У нашым рэгіёне планеты рэй вядуць тэлеграм і вайбер.
Для многіх карыстальнікаў гэтыя платформы сталі месцамі, дзе можна падтрымліваць сувязі, сачыць за чатамі, але пры гэтым пра сябе пісаць мінімум.
Інтэрнэт-карыстальнікі, як піша аўтар, цяпер сыходзяць у «лясы» інтэрнэту — прасторы, дзе ты сам бачыш і сам можаш чытаць больш, але сам выказваешся менш. Таму такія платформы, як Discord і Telegram, і сталі папулярнымі: яны адпавядаюць чаканням сучаснага інтэрнэт-карыстальніка.
Ярмошына: Я не разумею, навошта патрэбныя сацыяльныя сеткі
Хто з міністэрстваў і ведамстваў вядзе сацсеткі па-беларуску?
Рэпер Сярога: Сацсеткі — інструменты ваеннага захопу
Як пераход па спасылцы або прагляд чужога профілю могуць вас выдаць у TikTok
WhatsApp зможа адпраўляць паведамленні ў іншыя месенджары. А потым і тэлефанаваць
Цяпер чытаюць
Ціханоўскі патлумачыў, чаму ён так паводзіў сябе ў Нью-Ёрку68
Каментары