Загінула котка Чарнушка, якая была сімвалам гродзенскай галерэі Тызенгаўза
Кот Лаўрык, са слоў кіраўніцтва, цяпер ходзіць па галерэі і шукае сяброўку.
Чарнушку, якая жыла і «ахоўвала карціны» ў галерэі Тызенгаўза, загрыз сабака. Пра гэта ў сацсетках расказала дырэктарка ўстановы Вольга Бабінская, піша Hrodna.life.
«Сябры і прыхільнікі галерэі. У нас здарылася бяда. Сёння ўдзень нашу котку Чарнушку, якая спакойна спала на клумбе на сонейку, загрыз сабака.
Чыйсьці сабака хаскі, які бегае па вуліцах без гаспадара і намордніка. Мне цяжка гаварыць, таму пішу тут, — падзялілася Вольга. — Я хачу звярнуцца да ўсіх уладальнікаў такіх сабак — сачыце за сваімі гадаванцамі! Сёння нечая безадказнасць прынесла нам вялікае гора».
У 2025 годзе кіраўніца расказвала прэсе, што ў галерэі жывуць два каты — Лаўрык і Чарнушка. Яе апісвалі як спакойную, мудрую котку, якая проста есць і спіць, часам, пад настрой, водзіць людзей па экспазіцыі.
Лаўрык, са слоў кіраўніцтва, цяпер ходзіць па галерэі і шукае «калегу».
Цяпер чытаюць
Што вядома пра віцебчука, якога вінавацяць у спробе падрыву самалёта ў Германіі16
Каментары
Г.зн. у цэнтры Гродна, абласнога горада, бегаюць бадзяжыя сабакі і нападаюць на флору і фаўну? Караеў давёў рэгіён да ручкі.