Гаворка пра магчымыя махінацыі на $1,7 мільёна: пракуратура Польшчы пракаментавала ператрус на «Белсаце»
Цэнтральнае антыкарупцыйнае бюро Польшчы сёння забрала дакументы ў офісе тэлеканала «Белсат».
Цэнтральнае антыкарупцыйнае бюро Польшчы забрала дакументы ў офісах TVP у рамках расследавання, якое праводзіцца акруговай пракуратурай Варшавы, звязанага з тэлеканалам «Белсат».
Прэс-сакратар міністра-каардынатара спецслужбаў і кіраўніка МУС Яцэк Дабжыньскі заявіў, што супрацоўнікі ЦАБ дзейнічаюць у TVP у рамках пракурорскага расследавання, але па дадатковую інфармацыю параіў звяртацца ў пракуратуру, піша PAP.
Прэс-сакратар акруговай пракуратуры Варшавы, пракурор Пётр Скіба паведамілі, што ператрусы праводзіліся ў офісе «Белсата».
Паводле яго слоў, ператрусы звязаныя з расследаваннем, што тычацца «нанясення TVP SA ў перыяд са жніўня 2018 года па студзень 2024 года маёмаснай шкоды ў асабліва буйным памеры на суму больш за 7 млн злотых (1,7 млн даляраў). Гэта было звязана з заключэннем дамоў на аказанне IT-паслуг і заказаў на куплю ў пэўных прадпрымальнікаў».
«Расследаванне таксама тычыцца выстаўлення з красавіка 2019 года да студзеня 2024 года падробленых рахункаў-фактур ПДВ на агульную суму 5,147 млн злотых (1,2 млн даляраў). Гэтыя дакументы пацвярджалі фіктыўныя паслугі, нібыта аказаныя TVP SA ад асобы пэўных кампаній, хоць фактычна такія паслугі не аказваліся», — паведаміў пракурор Скіба.
Ён адзначыў, што расследаванне цалкам перададзена варшаўскаму падраздзяленню ЦАБ.
Кіраўнік аддзела камунікацыі TVP Томаш Вядэрэк заявіў, што польскае тэлебачанне аказала поўную падтрымку супрацоўнікам ЦАБ і перадало ўсе дакументы, названыя ў пастанове аб кантролі.
Днём «Газета Выборча» паведамляла пра ператрус у былой дырэктаркі тэлеканала Агнешкі Рамашэўскай, аднак тая абвергла гэтую інфармацыю.
Wyborcza паведамляе пра вобшук у Агнешкі Рамашэўскай — сама яна гэта адмаўляе
Аляксей Дзікавіцкі датэрмінова пакідае «Белсат»
Коўшык: Гэта і рукамі Рамашэўскай здарылася так, што «Белсат» цалкам залежны ад Польскага тэлебачання
Аліну Коўшык спыталі, чаму галоўнай рэдактаркай «Белсата» стала яна, а не Аляксей Дзікавіцкі
Аліна Коўшык прызначана дырэктаркай «Белсата»
Галыгіна прымусілі апраўдвацца за зварот да сілавікоў у 2020-м17
Каментары