Havorka pra mahčymyja machinacyi na $1,7 miljona: prakuratura Polščy prakamientavała pieratrus na «Biełsacie»
Centralnaje antykarupcyjnaje biuro Polščy siońnia zabrała dakumienty ŭ ofisie telekanała «Biełsat».
Centralnaje antykarupcyjnaje biuro Polščy zabrała dakumienty ŭ ofisach TVP u ramkach rasśledavańnia, jakoje pravodzicca akruhovaj prakuraturaj Varšavy, źviazanaha z telekanałam «Biełsat».
Pres-sakratar ministra-kaardynatara śpiecsłužbaŭ i kiraŭnika MUS Jacek Dabžyński zajaviŭ, što supracoŭniki CAB dziejničajuć u TVP u ramkach prakurorskaha rasśledavańnia, ale pa dadatkovuju infarmacyju paraiŭ źviartacca ŭ prakuraturu, piša PAP.
Pres-sakratar akruhovaj prakuratury Varšavy, prakuror Piotr Skiba paviedamili, što pieratrusy pravodzilisia ŭ ofisie «Biełsata».
Pavodle jaho słoŭ, pieratrusy źviazanyja z rasśledavańniem, što tyčacca «naniasieńnia TVP SA ŭ pieryjad sa žniŭnia 2018 hoda pa studzień 2024 hoda majomasnaj škody ŭ asabliva bujnym pamiery na sumu bolš za 7 młn złotych (1,7 młn dalaraŭ). Heta było źviazana z zaklučeńniem damoŭ na akazańnie IT-pasłuh i zakazaŭ na kuplu ŭ peŭnych pradprymalnikaŭ».
«Rasśledavańnie taksama tyčycca vystaŭleńnia z krasavika 2019 hoda da studzienia 2024 hoda padroblenych rachunkaŭ-faktur PDV na ahulnuju sumu 5,147 młn złotych (1,2 młn dalaraŭ). Hetyja dakumienty paćviardžali fiktyŭnyja pasłuhi, nibyta akazanyja TVP SA ad asoby peŭnych kampanij, choć faktyčna takija pasłuhi nie akazvalisia», — paviedamiŭ prakuror Skiba.
Jon adznačyŭ, što rasśledavańnie całkam pieradadziena varšaŭskamu padraździaleńniu CAB.
Kiraŭnik adździeła kamunikacyi TVP Tomaš Viaderek zajaviŭ, što polskaje telebačańnie akazała poŭnuju padtrymku supracoŭnikam CAB i pieradało ŭsie dakumienty, nazvanyja ŭ pastanovie ab kantroli.
Dniom «Hazieta Vyborča» paviedamlała pra pieratrus u byłoj dyrektarki telekanała Ahnieški Ramašeŭskaj, adnak taja abvierhła hetuju infarmacyju.
Wyborcza paviedamlaje pra vobšuk u Ahnieški Ramašeŭskaj — sama jana heta admaŭlaje
Alaksiej Dzikavicki daterminova pakidaje «Biełsat»
Koŭšyk: Heta i rukami Ramašeŭskaj zdaryłasia tak, što «Biełsat» całkam zaležny ad Polskaha telebačańnia
Alinu Koŭšyk spytali, čamu hałoŭnaj redaktarkaj «Biełsata» stała jana, a nie Alaksiej Dzikavicki
Alina Koŭšyk pryznačana dyrektarkaj «Biełsata»
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary