Супрацоўнік Інстытута лесу Нацыянальнай акадэміі навук Аляксандр Кавалевіч расказаў sb.by, як клімат уплывае на змяненне лясоў у нашай краіне. Па словах спецыяліста, пачынаючы з 2017 года, сасновыя лясы пачалі масава засыхаць.
«Пацяпленне клімату прывяло да ўзмацнення агрэсіўнасці караедаў, з'яўлення новых інвазіўных відаў шкоднікаў і хвароб», — падкрэсліў навуковец.
Кавалевіч звярнуў увагу, што ў асноўным пацярпелі паўднёвыя раёны. Спецыялістам удалося ліквідаваць успышку, аднак не абышлося без страт. Цяпер жа доля сасновых лясоў у параўнанні з сярэдзінай XX стагоддзя зменшылася з 58% да 48%.
Навуковец дадаў, што караед-тыпограф, які з'яўляецца прадстаўніком віду, падобнага да сасновых шкоднікаў, у апошнія дзесяцігоддзі сур'ёзна накінуўся на елку. Гэта прывяло да ўсыхання дрэва на поўдні Беларусі, пачалася так званая міграцыя на поўнач, за Мінск.
Але ёсць і прагрэс у барацьбе з ім. Паводле слоў Кавалевіча, да 2025 года павінны адбыцца дзяржаўныя выпрабаванні распрацаванага ў Інстытуце лесу біяпрэпарата, які закліканы кантраляваць папуляцыю казуркі.
Акрамя елак і соснаў, гаворыць навуковец, варта надаваць больш увагі дубу.
«Мы мала яго садзім, аб'ёмы трэба нарошчваць, у тым ліку і за кошт рэканструкцыі — у нас шмат плошчаў, занятых мяккалісцевымі дрэвамі. Стратэгію аднаўлення дуброў перадалі ў Міністэрства лясной гаспадаркі. Прапаноўвалі і стварыць комплекс па вырошчванні дуба з закрытай каранёвай сістэмай. На гэтае дрэва трэба рабіць стаўку», — лічыць ён.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары
Разам з купалаўскімі музэямі вольнае грамадзтва пазбавіцца няробаў разьдзімальнікаў штучных праблемаў і канфліктаў з акадэміі навукаў (не навукі).