Здароўе66

Дыетолагі рэкамендуюць, якія прадукты трэба есці ў кожнае дзесяцігоддзе свайго жыцця

З узростам у чалавека змяняецца патрэба ў вітамінах і мінералах, таму тое, што было карысна ў маладосці, можа быць шкодным у сталым узросце. На што трэба звярнуць увагу ў кожным дзесяцігоддзі жыцця?

Пра гэта выданню Daily Mail расказала дыетолаг Федэрыка Амаці.

Узрост: да 12 гадоў. Вада і пашырэнне харчовага рэпертуару

У гэтым узросце неабходна заахвочваць дзяцей есці разнастайную ежу, багатую пажыўнымі рэчамі. Гэта дапамагае росквіту мікрабіёма, які працуе над стварэннем моцнай імуннай сістэмы.

Увядзенне ў рацыён дзяцей з ранняга ўзросту новых і разнастайных цэльных прадуктаў дазволіць знізіць выпадкі алергіі і палепшыць абарону ад інфекцый і хвароб на ўсё жыццё.

Дыетолаг рэкамендуе звесці да мінімуму спажыванне напояў з дадаткам цукру. Замест гэтага трэба заахвочваць дзяцей больш піць ваду. Гэта знізіць рызыку атлусцення, развіцця дыябету 2 тыпу і некаторых відаў раку ў будучым, а таксама захавае да старасці ўласныя зубы.

Узрост: 12-20 гадоў. Кальцый, амега-3 і жалеза для дзяўчатак

На гэты перыяд прыпадае падлеткавы ўзрост з хуткім ростам арганізму. Таму вельмі важна забяспечыць арганізм кальцыем для фарміравання моцных касцей, што закладзе добрую аснову для абароны ад астэапарозу ў будучым.

Дзяўчынкам, якія губляюць кроў падчас менструацый, пазбегнуць анеміі і пагаршэння імунітэту, узроўню энергіі і кагнітыўных функцыі дапамогуць прадукты, якія багатыя жалезам (яйкі, ласось, курыца, бабовыя).

Фота: Cattalin / Pixabay

У гэты перыяд важныя структурныя змены адбываюцца ў мозгу падлетка. «Нейрапластычнасці» на гэтым этапе развіцця, зніжэнню рызыкі ўзнікнення праблем з псіхічным здароўем у далейшым жыцці дапамогуць прадукты, багатыя амега-3 тлустымі кіслотамі.

Узрост: 20-30 гадоў. Раслінны бялок

У гэтым узросце могуць пачаць развівацца небяспечныя запаленчыя працэсы, якія суправаджаюцца павышэннем узроўню халестэрыну і трыгліцэрыдаў (тлушчаў у крыві).

Фота: vecteezy

Дыетолаг рэкамендуе замяніць тлустае перапрацаванае мяса (бургеры, сасіскі, вяндліну) расліннымі крыніцамі бялку, такімі, як грэчка, сачавіца, фасоль, арэхі і зярняты. Усе гэтыя прадукты дапамагаюць прафілактыцы сардэчна-сасудзістых захворванняў.

Узрост: 40-50 гадоў. Ферментаваныя прадукты

У гэтым узросце адбываюцца гарманальныя змены як у жанчын, так і мужчын, што можа аслабіць імунную сістэму. У выніку могуць з'явіцца новыя алергіі, больш працяглым стаць перыяд аднаўлення пасля прастуды ці грыпу, а арганізму складаней змагацца з ракавымі клеткамі.

Дыетолаг рэкамендуе з'ядаць кожны дзень дзве-тры порцыі ферментаваных прадуктаў (кефіру, ёгурту, квашанай капусты, сыру чэдар) і піць ферментаваны чай.

Клятчатка і прабіётыкі дапамагаюць падтрымліваць папуляцыю карысных бактэрый у кішэчніку. У выніку імунная сістэма будзе больш эфектыўна працаваць, што прывядзе да аслаблення запаленчай рэакцыі, якая з'яўляецца моцным папярэднікам сардэчных захворванняў.

Узрост: 60-70 гадоў. Бялок і пажыўныя рэчывы

У гэтым узросце шанцы на выздараўленне пачынаюць складвацца не на нашу карысць, бо даюць аб сабе знаць наступствы ладу жыцця ў папярэднія дзесяцігоддзі. У гэты час вялікая рызыка хвароб сэрца, дыябету 2 тыпу і інсультаў.

Дыетолаг заўважае, што 80% такіх выпадкаў можна было прадухіліць шляхам змены рацыёну харчавання і ладу жыцця.

У гэты перыяд арганізму патрэбны бялок (каля 1 грама на кілаграм вагі), клятчатка (не менш за 30 грамаў у дзень) і поўны набор пажыўных рэчываў. На талерцы павінна быць больш гародніны, арэхаў, зярнят, тлустай рыбы, яек і мяса добрай якасці. А вось ад тортаў, пячэння, крэкераў трэба адмовіцца.

Узрост: 80+. Больш вады і клятчаткі, увага на чарнасліў

Як адзначае дыетолаг, у гэтым узросце людзі, як правіла, п'юць мала вады і ў выніку атрымліваюць абязводжванне. І гэтага можа быць дастаткова для таго, каб свядомасць стала зблытанай і ўзрасла рызыка інсульту.

Спецыяліст рэкамендуе не чакаць адчування смагі, а рэгулярна піць ваду і чай на працягу дня, есці садавіну і гародніну, якая насычае арганізм вадою (памідоры, агуркі, грушы, дыні).

З узростам таксама запавольваецца праца стрававальнай сістэмы, што павялічвае рызыку запораў, якія не толькі не прыемныя, але і могуць прывесці да сур'ёзных праблем з кішэчнікам і нават да пагаршэння псіхікі.

 Dried Prunes Сушаны чарнасліў Сушеный чернослив
Чарнасліў. Фота: Douglas Sacha / Getty Images

Таму добрай звычкай павінна стаць ужыванне кожны дзень чарнасліву. Ён не толькі дапамагае рэгуляваць працу кішэчніка, але і багаты поліфеноламі, якія прыносяць дадатковую карысць здароўю, а таксама кальцыем для здароўя касцей.

Дыетолаг упэўнена, што незалежна ад таго, колькі піцы і бургераў вы з'елі ў юнацтве, пераход на здаровае харчаванне ў любым узросце можа прынесці карысць і быць дастатковым, каб вывесці вас з групы рызыкі, радыкальна знізіўшы шанцы захварэць дэменцыяй у сталым узросце.

Каментары6

  • невераятныя
    01.09.2024
    За палтос, невераятныя столькі не жывуць
  • Бульбу так сыру х.ярым.
    01.09.2024
    Бульбу смажым, Бульбу варым, бульбу так сыру х.ярым.
    Так вучылі і рабілі продкі, таму Беларусь жыве.
    Жыве Беларусь!
  • Беня
    01.09.2024
    "прадукты трэба есці" - сакральное знание диетологов.

Цяпер чытаюць

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам

Усе навіны →
Усе навіны

У ДТЗ у Воранаўскім раёне загінула аднагадовае дзіця

Славакія вяртае ў Беларусь пасла11

Распрацаваны першы за 50 гадоў антыбіётык супраць смяротнай супербактэрыі

У Маладзечанскім раёне прадаюць лецішча з марскога кантэйнера

Колькі каштуе пуцёўка ў беларускі санаторый — сума немалая2

Пяць пытанняў, якія застаюцца пасля смерці экс-выкладчыка БНТУ Шчукіна, што ўцякаў ад міліцыі45

Ротам камуніста Сыранкова зноў укідваецца ідэя адмяніць у Беларусі прэзідэнцкія выбары28

Келаг: На перамовах у Стамбуле будуць прадстаўнікі ЗША, Германіі, Вялікабрытаніі і Францыі3

У Нацыянальным мастацкім музеі адкрылася выстава, прысвечаная расійскім перамогам15

больш чытаных навін
больш лайканых навін

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам

Стаў вядомы сапраўдны год заснавання Менска. Адкрыццё было вострасюжэтным навуковым дэтэктывам

Галоўнае
Усе навіны →

Заўвага:

 

 

 

 

Закрыць Паведаміць