19 жніўня Гродзенскі абласны суд завочна прысудзіў сясцёр Надзею Сцепанцову і Жанну Захаркевіч да 5,5 і 5 гадоў калоніі адпаведна, піша «Вясна». Іх абвінавацілі па артыкуле аб садзейнічанні «экстрэмісцкай» дзейнасці (артыкул 361-4 КК).
Надзеі Сцепанцовай далі пяць гадоў і шэсць месяцаў калоніі, Жанне Захаркевіч — пяць гадоў.
У прысудзе адзначаецца, што тэрмін адбыцця пакарання жанчын вылічваць з дня іх фактычнага затрымання для адбыцця пакарання ў выглядзе пазбаўлення волі.
У 2021-м годзе годзе сясцёр асудзілі паводле арт. 342 Крымінальнага кодэкса да «хіміі» за ўдзел у акцыі пратэсту 6 верасня 2020 году ў Гродне. Пасля прысуду яны вырашылі з'язджаць з краіны — Жанна і Надзея 12 гадзін ішлі па лесе і дрыгве ў бок Літвы.
Потым жанчыны трапілі ў фільм Юрыя Дудзя, дзе расказалі пра свае ўцёкі — яго паглядзелі больш за 10 мільёнаў чалавек.
Лукашэнка нервова пракаментаваў візіт Ціханоўскай у Кіеў45
Каментары