«Пасля матча паехалі з хлопцамі на дачу». Англійскі тыктокер, якога прымаў Кубракоў, згуляў у другой футбольнай лізе Беларусі
Тыктокер Уіл Эгертан, які жыве ў Беларусі і здымае ролікі пра яе, стаў футбалістам рагачоўскага «Дняпра» і ўзяў удзел у матчы супраць «Веткі». Гэта быў першы раз у жыцці, калі ён гуляў у футбол.
Матч скончыўся з лікам 12:1 на карысць рагачоўскай каманды. Эгертан выйшаў на поле на 67-й хвіліне, калі на табло былі лічбы 9:0. І нават мог забіць мяч.
«У мяне маса уражанняў, дагэтуль перапаўняюць станоўчыя эмоцыі. Я згуляў усяго 20 хвілін у канцы матча, але я люблю бегаць і нават ледзь не забіў гол! Але, на жаль, не патрапіў», — так англічанін пракаментаваў свой дэбют выданню Bet News.
Эгертан прызнаўся, што гэта быў ягоны першы досвед гульні ў футбол, бо раней ён займаўся толькі рэгбі. Легіянер расказаў, што яго добра прынялі ў камандзе, на стадыёне з ім сфатаграфаваліся больш за 200 чалавек, а пасля перамогі ўсе футбалісты паехалі тусавацца на дачу за Рагачоў.
Некалькі тыдняў таму Уіл Эгертан запісаў зварот да міністра унутраных спраў Беларусі Івана Кубракова з просьбай працягнуць яму тэрмін знаходжання ў краіне. Пасля гэтага блогера запрасілі ў МУС, дзе Кубракоў асабіста прыняў яго ў сваім кабінеце. У выніку Эгертану дазволілі знаходзіцца ў Беларусі да сярэдзіны верасня.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары