Хрыста Грозеў адказвае, чаму не абмянялі беларускіх палітвязняў
Расследавальнік Хрыста Грозеў у інтэрв'ю Deutsche Welle паразважаў пра ролю беларускага боку ў нядаўнім абмене вязнямі і тое, ці можа падобны абмен паўтарыцца.
Грозеў кажа, што абмен не быў праведзены ідэальна — яны спрабавалі зрабіць тое, што магчыма.
«Па беларускай тэме — мне відавочна, чаму гэта здарылася. Таму што арышт [нямецкага грамадзяніна Рыка Крыгера] і вердыкт са смяротным пакараннем быў створаны практычна па замове Крамля, як частка канчатковага ціску на Германію, каб Германія пагадзілася выдаць Красікава. Гэта не было сувярэннае рашэнне беларускага дыктатара — гэта была паслуга, якую ён зрабіў», — лічыць Грозеў.
Ён разважае, што па-добраму Расіі трэба было б уключыць у спісы на абмен і чачэнскіх актывістаў, таму што ахвярай Вадзіма Красікава (афіцэра ФСБ, якога так хацеў вымяняць Пуцін) быў чачэнскі палявы камандзір.
«Шмат было зроблена неідэальна.
Але па беларускай тэме — я думаю, што цяпер ужо арыштаваныя беларускія кадэбэшнікі ў краінах Еўропы, паколькі яны выконвалі заказы па тэрарызме з Крамлю. І думаю, яшчэ больш будзе такіх арыштавана, таму што Крэмль выкарыстоўвае беларускія спецслужбы як пасярэднікаў для таго, каб не пакідаць слядоў.
І я думаю, што гэтыя арыштаваныя павінны быць абмяняныя на беларускіх палітвязняў», — падзяліўся расследавальнік.
Цяпер чытаюць
Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця27
Каментары
звычайныя нацы-мусары, за грошы родную маці згвалтуюць
мяняць на іх кагосьці не будуць