МАК патлумачыў, чаму на Алімпійскія гульні ў Парыжы акрэдытавалі лукашэнкаўскіх прапагандыстаў
На запыт выдання «Люстэрка» ў прэс-службе Міжнароднага алімпійскага камітэта паведамілі, што акрэдытацыя медыя на гульні — прэрагатыва Нацыянальнага алімпійскага камітэта, а НАК Беларусі на чале з Віктарам Лукашэнкам правоў не пазбаўлены.
«Акрэдытацыя прэсы на Алімпійскія гульні робіцца адпаведным Нацыянальным алімпійскім камітэтам (НАК) для СМІ на тэрыторыі іх краіны. Таму мы адсылаем вас [з гэтым пытаннем] у НАК Беларусі, дзейнасць якога не прыпыненая, у адрозненне ад Алімпійскага камітэта Расіі (АКР)», — пракаментавалі ў прэс-службе Міжнароднага алімпійскага камітэта выдачу акрэдытацыі для асвятлення Алімпійскіх гульняў у Парыжы прапагандысцкім СМІ з Беларусі.
У сталіцу Францыі змогуць паехаць супрацоўнікі дзяржаўнага інфармацыйнага агенцтва БелТА, газеты «Спартыўная панарама», выдання «Прессбол», сайта Sport5.by, прэс-службы Беларускай асацыяцыі гімнастыкі і газеты «СБ. Беларусь сегодня».
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары