«Расія хоць заўтра можа пачаць з намі перамовы».
Расія можа хоць заўтра пачаць мірныя перамовы з Кіевам, калі выведзе войскі з украінскіх тэрыторый, паведаміў прэзідэнт Украіны Уладзімір Зяленскі на прэс-канферэнцыі па выніках мірнага саміту ў Швейцарыі.
«Расія хоць заўтра можа пачаць з намі перамовы, калі яе войскі выйдуць з нашых тэрыторый», — заявіў Уладзімір Зяленскі.
Украінскі лідар таксама пракаментаваў умовы для мірных перамоваў, якія перад пачаткам мірнага саміту вылучыў Уладзімір Пуцін: вывесці войскі з Данецкай, Луганскай, Запарожскай і Херсонскай абласцей, нейтральны статус Украіны, яе «дэмілітарызацыя» і «дэнацыфікацыя».
«Тут, за кулісамі, амаль усе казалі, што адным гэтым мэсэджам Пуцін перадаў усяму свету, што ўсё, што ён да гэтага казаў пра жаданне скончыць вайну, памножана на нуль. Пра гэта казалі ўсе краіны, нават тыя, якія маюць іншы погляд ці мелі. І гэта таксама вялікі поспех. Часам памылкі ворага — гэта таксама поспех», — пракаментаваў ультыматум Пуціна Зяленскі.
Акрамя таго, прэзідэнт Украіны заявіў, што прысутнасць Расіі на другім мірным саміце будзе азначаць, што Масква хоча міру і што яна вырашыла скончыць вайну.
«Ці сама яна гэтага захоча, ці яе прымусіць сусветная супольнасць — для нас усё роўна. Для нас важны вынік — заканчэнне гэтай вайны», — заявіў Зяленскі.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м59
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары