Медыкі робяць усё магчымае для стабілізацыі стану Роберта Фіцы.
Міністр абароны Славакіі Роберт Каліняк заявіў, што стан прэм'ер-міністра краіны Роберта Фіца, на якога ў сераду быў здзейснены замах, застаецца цяжкім. Медыкі робяць усё магчымае для стабілізацыі стану Роберта Фіцы, піша Бі-бі-сі.
«На жаль, мы пакуль не можам сказаць, што перамагаем, таму што маштаб ран, выкліканых чатырма кулямі, вельмі вялікі», — сказаў Каліняк.
Увечары ў сераду паведамлялася, што 59-гадовага Фіца аперыравалі больш за тры гадзіны, ён знаходзіцца ў крытычным стане, і лекары змагаюцца за яго жыццё.
Замах на Роберта Фіца адбыўся ў сераду днём у горадзе Гандлава пасля выязнога пасяджэння ўрада. Калі прэм'ер падышоў да мясцовых жыхароў, 71-гадовы стрэліў у яго некалькі разоў.
Першапачаткова ўлады не называлі імя падазраванага, аднак мясцовыя СМІ на працягу дня высветлілі, што тым, хто страляў, мог быць мясцовы 71-гадовы літаратар і палітычны актывіст Юрай Цінтула.
Цяпер чытаюць
«Я супрацоўнік КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку19
Каментары