Затрымалі майстра па рамонце ноўтбукаў, які пісаў у каментарах, што многія чакаюць Пазняка ў Беларусі
Блізкі да сілавікоў канал паставіў мужчыну ў віну тое, што ён пабудаваў кватэру з дзяржпадтрымкай.
Супрацоўнікі міліцыі затрымалі мужчыну, які працуе спецыялістам па рамонце ноўтбукаў. Ягоныя імя і ўзрост невядомыя — ва «Укантакце» раней ён быў падпісаны як «Бо Лт», а пасля выдаліў старонку.
У відэа затрыманы кажа, што яго дзеці ходзяць у школу, а таксама ён пабудаваў жыллё і плаціць за яго мінімальны працэнт па крэдыце.
Мужчына распавёў, што падпісаны на каналы, прызнаныя «экстрэмісцкімі», а таксама пакідаў «няправільныя» каментары.
Сілавікі паказалі тры каментары. Адметна, што ўсе яны — на беларускай мове. Яны не ўтрымліваюць ніякіх абразаў, хіба што Лукашэнка ў адным з іх названы «вусатым». У іншым каментары аўтар піша, што многія чакаюць у Беларусі Зянона Пазняка.
«А я яшчэ раз паўтару, што тут людзі 45+ шмат хто памятае Зянона Станіслававіча і каго тут у краіне! Беларусь дастанецца толькі тым, у каго яна ў сэрцы», — напісаў у адным з каментароў мужчына.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары
но бигос то сегодня зянон будет кушать из свежей капусты с польским мяском, а парень из гнилой припавленной елчалым маслом на пару с клопами